جٹ ویکھ کے جٹی نوں کانگ کیتی
Jump to navigation
Jump to search
جٹ ویکھ کے جٹی نوں کانگ کیتی
ویکھو پری نوں رِچھ پتّھلیا جے
میری سیاں دِی موہرن مار جندوں
تلک مہر دی جوہ نوں چلیا جے
لوکا باہوڑی تے فریاد کُوکے
میرا جھگڑا چوڑ کر چلیا جے
پِنڈ وچ ایہہ آن بلا وجی
جیہا جِن پچھواڑ وِچ ملیا جے
پکڑ لاٹھیاں گھبرو آن ڈُھکے
وانگ گانڈھویں کٹک دے ہلیا جے
وارثؔ شاہ جیوں دُھویاں سِرکیاں توں
بدل پاٹ کے گھٹاں ہو چلیا جے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse