جو کجھ وچ رضائے دے لکھ چُھٹا
Jump to navigation
Jump to search
جو کجھ وچ رضائے دے لکھ چُھٹا
مونہوں بس نہ آکھیے بھیڑئیے نی
سُنجا سکھنا چاک نوں رکھیوئی
متھے بھورئیے چندرئیے بھیڑئیے نی
منتر کیل نہ جانیے ڈومنے ایویں
سُتڑے ناگ نہ چھیڑئیے نی
اِکے یار دے ناں توں فدا ہوئیے
موہرا دے کے اکے نبیڑئیے نی
دغا دیونا ہووے تاں جیئرے نوں
پہلے روز ہی چا کھدیڑئیے نی
جے نہ اُتریے یار دے نال پورے
ایڈے پٹنے نہ سہیڑئیے نی
وارثؔ شاہ جے پیاس نہ ہووے اندر
شیشے شربتاں دے ناہیں چھیڑئیے نی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse