جو تجھے دیکھ کے مبہوت ہوا
Jump to navigation
Jump to search
جو تجھے دیکھ کے مبہوت ہوا
خون دل اس کو سدا قوت ہوا
جو موا دیکھ ترے عارض کوں
شاخ گل کا اسے تابوت ہوا
جو اٹھا مجلس ناسوتی میں
محرم خلوت لاہوت ہوا
نوک مژگان صنم حق میں مرے
تیز جوں نیزۂ رجپوت ہوا
اشک خونیں شب ہجراں کا سراجؔ
روغن شعلۂ یاقوت ہوا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse