جب وہ عالی دماغ ہنستا ہے
Jump to navigation
Jump to search
جب وہ عالی دماغ ہنستا ہے
غنچہ کھلتا ہے باغ ہنستا ہے
ہاتھ میں دیکھ کر ترے مرہم
میرے سینے کا داغ ہنستا ہے
کیا ہوا پھر گئی ہے گلشن کی
صوت بلبل کو زاغ ہنستا ہے
شمع ہر شام تیرے رونے پر
صبح دم تک چراغ ہنستا ہے
شیخ کی دیکھ صورت تقویٰ
آج حاتمؔ ایاغ ہنستا ہے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse