بے بلائے ہوئے جانا مجھے منظور نہیں
Jump to navigation
Jump to search
بے بلائے ہوئے جانا مجھے منظور نہیں
ان کا وہ طور نہیں میرا یہ دستور نہیں
لن ترانی کے یہ معنی ہیں بجا ہے دعویٰ
دیکھے بے پردہ تجھے کوئی یہ مقدور نہیں
وہ کہاں تاج کہاں تخت کہاں مال و منال
قابل اب بھیک کے بھی کاسۂ فغفور نہیں
بے عبادت نہ خدا بخشے گا سبحان اللہ
ایسی فردوس سے ہم گزرے کہ مزدور نہیں
میں وہ مے کش ہوں نہ رکھوں کبھی بھولے سے قدم
کوئی کہہ دے یہ اگر خلد میں انگور نہیں
دم بہ دم اٹھتے ہیں طوفان جو برقؔ اشکوں کے
نوح کا وقت نہیں آنکھ ہے تنور نہیں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse