برہم کن دل یوں کبھی برہم نہ ہوا تھا
برہم کن دل یوں کبھی برہم نہ ہوا تھا
حیرت اثر ایسا مرا عالم نہ ہوا تھا
ان شوخ نگاہوں نے تڑپ اور بڑھا دی
اللہ ابھی درد جگر کم نہ ہوا تھا
اب بھی مجھے خودداریٔ جاناں میں نہیں شک
پہلے بھی مرا دل متوہم نہ ہوا تھا
اے پیر مغاں اس کی بقا میں مجھے شک ہے
واقف اثر جام سے کیا جم نہ ہوا تھا
وہ شوخ مجھے دیکھ کے یوں شرم سے جھک جائے
جس کا سر مغرور کبھی خم نہ ہوا تھا
اس کم نگہی نے تو مجھے مار ہی ڈالا
ایسا اثر اے پرسش پیہم نہ ہوا تھا
مشہور وہ منظورؔ ہے جس کے لیے کل تک
سرمایۂ شہرت ہی فراہم نہ ہوا تھا
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
Public domainPublic domainfalsefalse