بالناتھ نے سامنے سد دھیدو
Jump to navigation
Jump to search
بالناتھ نے سامنے سد دھیدو
جوگ دین نوں پاس بہالیا سو
روڈ بھوڈ ہویا سواہ ملی منہ تے
سبھو کوڑمے دا نام گالیا سو
کن پاڑ کے جھاڑ کے لوبھ بودے
اِک پلک وچ من دکھالیا سو
جیویں پُتراں تے کرے مہر جننی
جاپے دُدّھ پوا کے پالیا سو
چھار انگ لگا سرمن اکھیں پا
مندراں چا نوالیا سو
خبراں کُل جہان چ کھِنڈ گیاں
رانجھا جوگیڑا سار وکھالیا سو
وارثؔ شاہ میاں سنیار وانگوں
جٹ پھیر مُڑ بھن کے گالیا سو
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse