اے مہرؔ جو واں نقاب سر کا
Jump to navigation
Jump to search
اے مہرؔ جو واں نقاب سر کا
تڑکا ہو جائے گا سحر کا
اللہ رے طول بل بے الجھاؤ
ہے زلف کا قصہ رات بھر کا
مخفی کی بیاض بھی تو دیکھیں
مضمون تو ڈھونڈیئے کمر کا
بنتا تو ہے خاک سے بھی سونا
محتاج نہیں فقیر زر کا
دل میں ہے خیال چہرۂ یار
ہمسایہ ہوں آئنہ کے گھر کا
میٹھا تیرے لب کا کیا ہے مجھ کو
ہے رنگ تو سرخ اس شکر کا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse