اگوں رائباں صیرفاں بولیاں نیں

From Wikisource
Jump to navigation Jump to search
اگوں رائباں صیرفاں بولیاں نیں
by وارث شاہ

اگوں رائباں صیرفاں بولیاں نیں
کیہا بھابیے نی متھا کھیڑیا ای

بھابی آکھ کیہ لبھیو ٹہک آئی
ایں سوئن چڑی وانگوں رنگ پھیریا ای

موئی گئی سیں جیوندی آوڑی ایں
سچ آکھ کیہ سہج سہیڑیا ای

اج رنگ تیرا بھلا نظر آیا
سبھو سُکھ تے دُکھ نبیڑیاا ی

نین شوخ ہوئے رنگ چمک آیا
کوئی جوبنے دا کھوہا گیڑیا ای

عاشق مست ہاتھی بھاویں باغ والا
تیری سنگلی نال کھہیڑیا ای

قدم چُست تے صاف کنوتیاں نیں
ہتھ چابک اسوار نے پھیریا ای

وارثؔ شاہ اَج حُسن میدان چڑھ کے
گھوڑا شاہ اسوار نے پھیریا ای


This work was published before January 1, 1929, and is in the public domain worldwide because the author died at least 100 years ago.