اگر دلا غم گیسوئے یار بڑھ جاتا
Jump to navigation
Jump to search
اگر دلا غم گیسوئے یار بڑھ جاتا
شب فراق میں اور انتشار بڑھ جاتا
جو شوق جنبش مژگان یار بڑھ جاتا
ترا مزا خلش نوک خار بڑھ جاتا
جو میری چشم کے پردے شریک ہو جاتے
کمال دامن ابر بہار بڑھ جاتا
وطن میں ہم نہ ہوئے خاک شکر کی جا ہے
غبار خاطر اہل دیار بڑھ جاتا
دکھائی کیوں نہ مجھے آ کے گرمیٔ رفتار
بلا سے آپ کی میرا بخار بڑھ جاتا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse