اَکھیں لگیاں مُڑن نہ وِیر میرے

From Wikisource
Jump to navigation Jump to search
اَکھیں لگیاں مُڑن نہ وِیر میرے
by وارث شاہ

اَکھیں لگیاں مُڑن نہ وِیر میرے
بی بی وار گھتی بلہاریاں وے

ویہن پئے دریا نہ کدی مُڑ وڈّے
لا رہے زور زاریاں وے

لہو نکلنوں رہے نہ مُول ویرا
جتھے لگیاں تیز کٹاریاں وے

لگے دست اِک وار نہ بند کیجن
وید لکھدے وید گیاں ساریاں وے

سِردتیاں باجھ نہ عشق پگّے
ایہہ نہیں سکھالیاں یاریاں وے

وارث شاہ میاں بھائی ورجدے نیں
ویکھو عِشق بنائیاں خواریاں وے


This work was published before January 1, 1929, and is in the public domain worldwide because the author died at least 100 years ago.