اَج کسے بھابی تیرے نال کیتی
اَج کسے بھابی تیرے نال کیتی
چور یار پھڑے گنہگاریاں نُوں
بھابی اَج تیری گل اوہ بنی
دُدھ ہتھ لگا دُدھا دھاریاں نُوں
تیرے نیناں دیاں نوکاں دے خط بندے
واڈھ ملی ہے جویں کٹاریاں نُوں
حکم ہور دا ہور اج ہو گیا اج
ملی پنجاب قندھاریاں نُوں
تیرے جوبنے دا رنگ کسے لٹیا
ہنومان جیوں لنک اٹاریاں نُوں
ہتھ لگ گئی ایں کسے یار تائیں
جیوں کستوری دا بھار بپاریاں نُوں
تیری تکڑی دیاں کسَاں ڈِھلیاں نیں
کسے تولیا لونگ سپاریاں نُوں
جیہڑے نِت سواہ وچ لیٹ دے سَن
اَج لے بیٹھے سرداریاں نُوں
اج سِکدیاں کواریاں کرم کُھلے
نِت ڈھونڈدے سن جیہڑے یاریاں نُوں
چُوڑے بِیڑے تے چور سنگھار ہوئے
ٹھوکر لگ گئی منہاریاں نُوں
وارثؔ شاہ جنہاں ملے عطر شیشے
اوہناں کیہ کرنا فوجداریاں نُوں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse