ان دنوں وہ ادھر نہیں آتا

From Wikisource
Jump to navigation Jump to search
ان دنوں وہ ادھر نہیں آتا
by جوشش عظیم آبادی

ان دنوں وہ ادھر نہیں آتا
اپنا جینا نظر نہیں آتا

اس کی وعدہ خلافیاں دیکھو
آنے کہتا ہے بے پر نہیں آتا

گھر بہ گھر تو پڑا پھرے ہے تو
آہ کیوں میرے گھر نہیں آتا

قاصد اس بے وفا سے یوں کہنا
لکھ تو کچھ بھیج گر نہیں آتا

گو کہ رہتا ہے یہ جرس نالاں
میرے نالوں سے پر نہیں آتا

یار راتوں کو تیرے کوچے میں
کب یہ خستہ جگر نہیں آتا

اور کہتے نہیں رقیب اسے
لب کچھ مجھ کو ڈر نہیں آتا

کس لئے ؔجوشش اتنی نالہ کشی
کچھ اثر تو نظر نہیں آتا


This work was published before January 1, 1929, and is in the public domain worldwide because the author died at least 100 years ago.