افسوس مینوں اپنی ناقصی دا
افسوس مینوں اپنی ناقصی دا
گنہگاراں نُوں حشر دے صُور دا اے
انہاں مومناں خوف ایمان دا ہے
اتے حاجیاں بیت معمور دا اے
صُوبہ دار نُوں طلب سپاہ دی
دا اتے چاکراں کاٹ قصور دا اے
سارے ملک خراب پنجاب خراب وچوں
سانوں وڈا افسوس قصور دا اے
سانوں شرم حیا دا خوف رہندا
جویں موسیٰ ؑ نُوں خوف کوہِ طور دا اے
ایہناں غازیاں کرم بہشت ہو وے
تے شہیداں نُوں وعدہ حُور دا اے
ایویں باہروں شان خراب وچوں
جویں ڈھول سُہاونا دا دُور دا اے
وارثؔ شاہ وسنیک جنڈیالڑ ے دا
شاگرد مخدوم قصور دا اے
ربا آبرو نال ایمان بخشے
سانوں آسرا فضل غفور دا اے
وارثؔ شاہ نہ عمل دے ٹانک میتھے
آپ بخش لقا حضور دا اے
وارثؔ شاہ ہو وے روشن نام تیرا
کرم ہو وے جے رب شکور دا اے
وارثؔ شاہ تے جُملیاں مومناں نُوں
حصہ بخشنا اپنے نُور دا اے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse