اثر کر کے آہ رسا پھر گئی
Jump to navigation
Jump to search
اثر کر کے آہ رسا پھر گئی
ہوا صاف مطلع ہوا پھر گئی
سواری تری آ کے کیا پھر گئی
ادھر کو ادھر کی ہوا پھر گئی
مرے سر سے تیغ جفا پھر گئی
کئی بار آئی قضا پھر گئی
گیا دیو غم جلوۂ یار سے
پری زاد آیا بلا پھر گئی
یہ جاں بخش اس جانستاں کی ہے چال
وہ آیا جو پھر کر قضا پھر گئی
گھڑی دو گھڑی کا ہے تیرا مریض
طبیب اٹھ گئے ہر دوا پھر گئی
تو آتا نہیں اس گلی میں منیرؔ
طبیعت تری ہم سے کیا پھر گئی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse