ئاقیدەی شێخ سەمیع/باسی حۆریانی بەهەشت
Jump to navigation
Jump to search
| ←باسی خواردن و خواردنەوەی بەهەشتیان | ئاقیدەی شێخ سەمیع (1880) by باسی حۆریانی بەهەشت |
| هەرێیک حەفتاودوو حۆری بۆ لەززەت | پێنج سەد غوڵامیش هەر لەبۆ خزمەت |
| مەجمووعیان جوانن، پاک چاردەساڵن | بێ ڕیش و سمێڵ، شیرینجەماڵن |
| داییم هەر بیکرن، ئەو جەمعی حۆریان | «لَمْ يَطْمِثْهُنَّ إِنْسٌ وَ لا جَانٌّ» |
| گەر ئاوی دەمیان بێتە بەحری تاڵ | پاک شیرین دەبێ وەک ئاوی زوڵاڵ |
| ئەگەر پەنجێکیان بێتە ڕووی دنیا | مانگ و ڕۆژ شۆقی نییە لەکنیا |
| چاوڕەش و بۆنخۆش، گەردەنفرازن | خۆشخولق و خۆشخوو، شیرینئاوازن |
| هەریێک حەفتا جوور لیباس لەبەردا | ئەنواعی خشڵ و زیوەر لەسەردا |
| زۆر نازەنینن، عەجەب جوانچاکن | لە حەیز و نیفاس هەموویان پاکن |
| ساحێب عەیش و ناز، نازکئەندامن | قامەت عەڕعەڕن، شیرینکەلامن |
| ئەندامیان سافە وەک شووشەی بلوور | مەغزی لوولاکیان دەبینی لە دوور |
| داییم لە گەڵیان، ئیستیمتاع ئەکەن | لە سەعاتێکا سەد جیماع ئەکەن |
| هیچ بوغز و کینە و تەشویش نازانن | مەجمووعیان عاشق مێردی خۆیانن |
| پیری و نەخۆشی و مردن نامێنی | ئەو ماڵ و موڵکە کەس لێی ناسێنی |
| هەر ڕۆژی جومعە زیافەتی خوایە | خەڵعەتی ڕەزا و فەیزی لەقایە |
| مەدحی بەهەشتێ قەت تەواو نابێ | مەسڵەحەت وایە ئەمجار کۆتا بێ |
| «يا مالِكَ المُلك، سَتَّار و صَبور» | پادشاهی جەببار، غەففار و غەفوور |
| هەرکەس بیخوێنێ، یا گوێی لێ بگرێ | بە کردەوەی چاک، بە ئیمان بمرێ |
| «سەمیع» گوناهکار، «اِلتِجَا» ئەکا | بۆ فاتیحایەک سەد ڕەجا ئەکا |