آء آء مہانیاں جدوں کیتی
آء آء مہانیاں جدوں کیتی
چوہیں ولیں جاں پلم کے آء گئے
سچو سچ جاں پھاٹ تے جھویں ویری
جوگی ہوری بھی جیو چراء گئے
ویکھو فقر الہ دے مار جٹی
اوس جٹ نوں واعدا پاء گئے
جدوں مار چوطرف تیار ہوئی
اوتھوں اپنا آپ کھِسکاء گئے
اِک پھاٹ کڈھی سبھے سمجھ گئیاں
رناں پِنڈ دیاں نوں راہ پاء گئے
جدوں خصم ملے پچھوں واہراں دے
تدوں دھاڑوی کھُرے اٹھاء گئے
ہتھ لائی کے برکتی جوان پورے
کرامات ظاہر دِکھلاء گئے
وارثؔ شاہ میاں پٹے باز چھُٹے
جان رکھ کے چوٹ چلاء گئے
|
This work was published before January 1, 1929, and is in the public domain worldwide because the author died at least 100 years ago. |