Ԋоԋаԍан кагајаслӧн мыт

by Чеусов Николай Павлович

Ԋоԋаԍан кагајаслӧн мыт  (1922)  by Чеусов Николай Павлович

Гижан кад: 1922, Йӧзӧдан во: 1922. Ӧшмӧс: Коми календар. 1923 во. Сыктывдінкар: Коми нига лэдзанін, 1922.

Меԁԍа јона посԋі кагајас кулалӧны мытыԍ ԁа восӧмыԍ. Кымын воԇ понԁам ԉечітны мыт віԍӧм, сымын кокԋіԁҗык сіјӧс бырӧԁны. Мыԏітігӧн оз поԅ кагајасӧс мыј ԍурӧ ԍојанӧн верԁны. Ԋекущӧм ԉекарство оз отсав мыј ԍурӧнаԁ верԁігӧн.

Ԋоԋаԍан кагаӧс оз ков верԁны ԍур ԋоԋӧн, путӧм ваӧн, путӧм јӧлӧн, ырӧшӧн, рокӧн, ԋаԋӧн, кӧлачӧн, пуктасӧн. Оз ков ԍетны сылы ԋоԋавны сакар, јаблӧг. Ԋоԋаԍан кагаӧс сӧмын мам јӧлӧн колӧ верԁны, ԋоԋӧԁны быԁ кык час-мыԍԏі. Мамлӧн-кӧ јӧв еща, ԋоԋӧԁӧм коластјасын поԅӧ јуктавны віԍыԍ кагаӧс ԋеуна јуммӧԁыштӧм пуӧм ваӧн, ԉібӧ кіԅӧріԋік щајӧн. Верԁӧм костјасас бӧрԁӧмыԍ поԅӧ ԍетны тыртӧм, пробкаӧн тупкӧм реԅінкӧвӧј ԋоԋ. Быԁ ԍетӧм воԇвылын колӧ сіјӧс пожјавны пуӧм ваӧн.

Мӧс јӧлӧн верԁан кагаӧс мыԏітігӧн колӧ ԇікӧԇ јӧлыԍ ԁугӧԁлыны, јуктавны сӧмын пуӧм ваӧн ԁа кіԅӧріԋік щајӧн.

Кагаӧс восӧԁӧ-кӧ щӧщ — кӧԇыԁ пуӧм ваӧн ԁа щајӧн унҗыкыԍ колӧ јуктавны. Ічӧԏік щајнӧј паԋӧн васӧ вомас кіԍтны.

Суткі ваӧн верԁӧм-мыԍԏі верԁны віԍыԍ кагаӧс ва сора шԉівкіӧн. Боԍтны шԉівкі, соԁтыны кык-мынԁа ва, ԋеуна сакар, бура пуԅӧԁны. Јӧв ԁоз, ԍур і ԋоԋ колӧ мыԍкавны быԁ верԁӧм бӧрын мічаҗыка. Гутјасыԍ, бусыԍ колӧ віԇны најӧс вевԏԏӧмӧн.

Кага-кӧ јона горзӧ чужјаԍӧмӧн, колӧ пуктыны кынӧм вылас шоныԁ тор: пӧԍ перјан ԉібӧ шоныԁ ԍетан компрес.

Гожӧмын оз ков ԁугӧԁны кагаӧс мам ԋоԋыԍ. Страԁа ԁырјі мамлы меԁ бур боԍтны кагаӧс аскӧԁыс щӧщ му вылӧ ԉібӧ віԇ вылӧ. Гортаԁ омӧԉік віԇыԍ ԁінаԁ оз-ԋін сіјӧ красујтчы.