Әкиәттәр генә үлмәһен

From Wikisource
Jump to navigation Jump to search
Әкиәттәр генә үлмәһен (Шиғыр)
автор Лилиә Һаҡмар
Ижад итеү ваҡыты: 26.01.2002. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (54-се бит) ISBN 5-295-03798-3


ӘКИӘТТӘР ГЕНӘ ҮЛМӘҺЕН!


Әкиәттәр – хыял ғына түгел,
Әкиәттәр әйҙәй күктәргә,
Мөхәббәт ул – мәңге тынмаҫ көрәш,
Ҡарыуынан килмәй күптәрҙең.

Тормош үҙе гел йомаҡтан тора,
Табып ҡына өлгөр яуабын!
Ысынбарлыҡ менән әкиәттәр
Дыу килтерә көрәш яланын…

Кеше – рәйес кенә был алышта –
Ҡиммәттәрҙең тере бизмәне:
Әкиәткә өҫтөнлөктәр бирһә,
Үпкәләй шул Тормош тигәне.

Тормош, тормош,
алға әйҙәй бирһен!
Күлдәр яҙмышына күнмәһен!
Тик күңелдә,
Һағыш иретерлек
Әкиәттәр генә үлмәһен.
Әкиәттәр генә үлмәһен!



Иҫкәрмәләр


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.