Ғорурлан илем

Ғорурлан, илем! (шиғыр) автор Author:Сабир Кинйәкәй

Ижад итеү ваҡыты: 1944. Нәшер ителгән: 1960. Сығанаҡ: "Йыр сафта ҡала" Башҡорт АССР-ы Культура министерствоһының Башҡортостан китап издательствоһы, Өфө, 1960 йыл,184 бит

-

'

Дошман ҡаса,ҡанға буяп
Әшәке эҙен,
Европа буйлап атлай
Улдарың һинең,
Ғорурлан, илем!

           2

Гүзәл,ирекле тормошоң,
Намыҫың өсөн .
Уттарҙы, һыуҙарҙы үтте
Улдарың һинең,
Ғорурлан, илем!
           3
тапап йыртҡыс фашистарҙың
Яуызлыҡ көсөн,
Сталинградты данға төрҙө
Улдарың һинең,
Ғорурлан, илем!
             
           4
Ҡара диңгеҙ, Дон, Днепр
Һәм Днестрҙың
Азатлығын яулап уҙҙы
Улдарың һинең,
Ғорурлан, илем!
           
           5
карпат тауҙары ҡабатлай
батырҙар исемен,
легендар еңеүсе булды
Улдарың һинең,
Ғорурлан, илем!
          6
Еңеү һәм йәшәү юлынан
Илтә Сталин.
Баһадирҙар нәҫеленән
Улдарың һинең,
Ғорурлан, илем!