Author:Сабир Кинйәкәй
| Сабир Кинйәкәев |
|---|
| Сабир Мөьмин улы Кинйәкәев |
| тыуған: 1919 йыл, БАССР-ҙың Көйөргәҙе районы Түбәнге Мотал ауылында |
| һуғышта вафат булған йәш шағир |
Биографияһы
[edit]Сабир Мөьмин улы Кинйәкәйев 1919 йылдың декабрендә Көйөргәҙе районы Түбәнге Мотал ауылында тыуған. Бала саҡтан бик зирәк булған. Ете йәшендә шиғырҙар сығара башлаған. Ауылдарында башланғыс белем алғас, күрше Яҡуп ауылында уҡыуын дауам итә. 1936-38 йылдарҙа Өфөлә медицина рабфагында, педагогия иниститутында уҡый. Ғаилә бик мохтажлыҡ менән йәшәгәнгә күрә, ул уҡыуын ҡалдырып, Ермолаево ҡасабаһына, Көйөргәҙе районы үҙәгенә, район гәзитенең мөхәррир урынбаҫары булып эшкә урынлаша. Шул йылдарҙа ижад менән дә шөғөлләнә, яңынан- яңы шиғырҙар, поэмалар ижад итә. Бөйөк Ватан һуғышы сығыу менән, үҙе теләп һуғышҡа китә. Политрук булып 1944 йылдың 18 декабренәсә батырҙарса һуғыша. Тик фашист пуляһынан үлемесле яралана. Венгрияның Капошвар ҡалаһынан 22 саҡырым алыҫлыҡта ятҡан Чикота утары янында үлә һәм ерләнә.