Якстере теште/1924/37/Кода молить тевтне Пензань губернянь велетнева
| ←Од кулят. Лия масторга | Якстере теште, № 37, 9 декабря 1924 г. редактор Глухов, Пётр Семёнович Кода молить тевтне Пензань губернянь велетнева |
Ленин тюрьмасо→ |
| Якстере теште. Еженедельный орган Мордовской секции при Ц. К. Р. К. П. (б.). — № 37, 9 декабря 1924 г. — с. 2—3 |
| Эрзят! „Якстере Тештесь“ бажи тынькь эрямо чинк витеме—кепедеме. Седе курок сермадстодо эстенкь „Якстере Теште“ |
| Кода молить тевтне Пензань губернянь велетнева. |
Якстере Тештень улконь (36) номерсэ ульнесь сермадозь, что Ц. К. Р. К. П. (б) ответственной инструктор Ибрагимов ялгась и эрзянь-мокшонь секциянь секретарь Дорофеев ялгась партиянь Центральной Комитетстэ ульнекшнэсть кучозь Пензенской губерняв ваномо, кода моли роботась мокшотнэнь ды эрзятнэнь юткова.
| Эрзянь мокшонь велесэ. |
Ибрагимов ды Дорофеев ялгатне цела месець ульнесть Пензенской губернясо. Ванызь кода эрить мокшотне ды эрзятне Спасской, Темниковской, Саранской уездтнэва. Ульнесть эрзянь-мокшонь ламо велева. Кортасть сокицятнэнь марто. Дорофеев ялгась ефтнизе кода эрзянь-мокшонь велетнева моли советской, кооперативной, партийной ды весе лия общественной тевесь.
| Мезе нейсть? Кода моли роботась? |
Эрзятнэнь ды мокшотнэнь ютксо кооперативень тевесь ащи пек беряньстэ. Кооперативтнесэ члентнеде аламо. Лавкатнесэ таварось аволь паро ды ламо тавар муят истямо, кона вовсе аэрявикс эрзятнэнень, аэрявикс велень эрицятнэнень.
| Тонафтумань тев. |
Тонафтума тевесь эрзятнэнь ды мокшотнень ютксо моли пек лавчосто. Школасо эйкакшнэде тонафтнить аламо-весемезэ 28%, сядо эйкакшсто 72 пакша школас а якить как.
Тейтерь эйкакшт школасо неят чуросто. Учильнява эйкакшнэнь эйсэ тонафтыть рузонь учительть, рузонь келенть чарькодить пек берянястэ. Тень кувалт школас якамо охотаст арась. Тонафтума тевесь моли стакасто. Саемс хоть вейке мокшонь веле Зарубинка Спасской уездасо. Те велесь — покш мокшонь веле, русст эйсэнзэ арасть. Школаст покш — сядо комсь пакшатнестэ зняро мокшот? Анцяк ниленьгемень. Кавксоньгемень пакша тонафтнеме якить маласо вишкине рузонь велестэ.
Эрзянь мокшонь келень содыця учительть Пензань губернянь школатнэва пек аламо. Учительтне политически развитойть беряньстэ. Сави сыненст тейнемс переподготовительной курсат.
Пек аламо эрзянь-мокшонь од ломатнень эйстэ тонафтнить омбоце ступенень школасо. Пензань педтехникумсо тонафтнить весемезэ 92 од ломань Педтехникумонть материальной положениязо пек стака — сави весе вийсэ кодаяк паролгафтомс.
Ловнума кудонь (изба-читальнянь) роботанть шнамс тожо а сави. Тевесь моли эйсэст беряньстэ.
| Эрзятнэнь ды мокшотнэнь ютксто аламо роботыть велень, общественной тевсэ. |
Советской, профсоюзной, кооперативной тевсэ эрзятнэнь ды мокшотнэнь ютксто роботыть пек аламо. Ве ено, ве пеле ащить эрзятнэ ды мокшотне обществеееой тевде. Эряви сынст терьдемс, тонафтомс, таргамс общественной тевс. Сестэ седе вадрясто туи эрзянь-мокшонь велева эрьва мезень тевесь.
| Партиянь роботась моли тожо лавчосто. |
Эрзятнэнь ды мокшотнень ютксто чуросто муят коммунист. Сави седе вадрясто, седе виевстэ ветямс эрзя-мокшонь велева партиянь роботанть.
Комсомолонь роботанть эряви кепедемс. Активной, бойкасто роботыця комсомолецтнэсте эрзятнэнь ютксо аламо. Политической литература эрзянь мокшонь кельсэ ячейкатнэсэ арась.
| Вете эрзянь-мокшонь коммунистт Губкомонь члент. |
Дорофеев ды Ибрагимов ялгатне ульнесть.
Пензасо губернской партиянь конфе-
Губернянь партиянь конференциясь тейсь постановления: икелень коряс седе ламо нолдамс ярмакт мокшонь газетэнь („Од веле“) сермадумань—печатамонь тевс ды мокшонь-эрзянь кельсэ кинигань рамамо лангс.
Ибрагимов ды Дорофеев ялгатне неизь кода беряньстэ моли тевесь чопуда эрзянь-мокшонь велетнень эзга. Ламо вий эряви путомс Центрань эрзянь-мокшонь роботниктнэнень ды таркасо роботыця ялгатнэнень, чтобу витевтемс тевенть, нолдамс вадрясто советской, кооперативной, школань и весе общественной тевенть эрзянь-мокшонь велева.
Шкань апак ютавт, ялгат, кундатанок тевс.