Якстере теште/1924/25/"Кода сюронь тефне молить"
| ←Варштадо лангозост | Якстере теште, № 25, 23 августа редактор Глухов, Пётр Семёнович „Кода сюронь тефне молить“ сёрмадызе Бедный Эрьзя |
Колмо попт оргоцть→ |
| Якстере теште. Еженедельный орган Мордовской секции при Ц. К. Р. К. П. (б.). — № 25, 23 августа 1924 г. — с. 2 |
| „Кода сюронь тефне молить“. |
| (Сок-Кармалинской в., Бугурусланск. у., Самарской губ.). |
Минек волость каить народось пек тандались, кода арасиль пиземетне и сюротне берянгацть. Сюрось сеск верев кусь и розись омбоце пель целковойсь кузекшнесь. Сюпафне родувакшность, а беднойтне тандалисть, кабы вачодо опять, а кармомс аштеме. Кона-кона сюпавось рамсэме кармокшнось уш седе ламо сюро. Но мейле тефне лиякс тусть, кода аламонь-аламонь кармасть пиземеть ульнеме. Ней уш тефне аволь пек, ушалац молить кода ульнись 1921 годстонть. Кармасть сюротнень пурнамо и мейлень пиземетне, аламошка максы кором скотинатненень. Конань ульнись видез розь то аламошка саи кой мезе, потом ярвойтнень эйсто кой мезе саить и пек покш надешка картошкатнень ланкс, конатне видна пиземеде мейле ент улить. Годось ютафтови аволь уш пек берянсто. Вонцть-вонцть пиземетнень ланкс и сюронть прафтизь седе алов и сечас розинть питнезо 60 коп. пондонть. Бедный ломать и лядо ризна, что вачодо корматадо аштеме, седе вейс дружнасто пурнаводо и седе кооперациянть малав арадо, кона тын нужанк-горянк содамо карми и посублямс кой мезе карми. Седе кеместо кундынк бокадо крестьянской взаимопомощинть, кона тоже эсиньк учреждениясь и эсникь ялгатне тосо аштить. Ванодо парьсте школатнень ланкс, косо должен эсиньк покшанк тонафнемс и мейле седе кармить содамо, а кона ламо соды то се седе парьсте, и эри, и вачодо, а яште!
Бедный Эрьзя.