| 2 | ЯКСТЕРЕ ТЕШТЕ. | № 25 |
| Советэнь масторга. |
| 3 завод кармасть роботамо. |
Уралсо кармасть роботамо 3 завод, конат кувать ащесть апак робота. Заводне кармить нолдамо велень—хозяйственной орудият: плугт (сабат), молотилкат, веилкат, пелюмат и лия ябалат.
| Ютасть виев пиземеть. |
Чистопольской кантонсо Татреспубликасо, Самарской губернясо Пугачевсо Ставропольской Екатериновславской губернятнесэ таркат—таркат ютасть вельть виев пургине маро пиземеть. Пиземетьне тейсть покшт убыткат хозяйствантень. Ламо скотинат, ломать емасть.
| Эрзянь зала Центральный Музейса Народо- ведения |
Московсо васинь чиста август ковста (1/VII-24 г.) кармась робутамо выставка этнографической, конань поц сувасть разны наротнэ миник СССР. Выставкасынть ули покш зала, конань эйс пурнавт эрзянь-мокшонь обрядт. Цела зала сайсть не эрзянь-мокшонь обрятнэ. Кадык весе эрзятне, конат эрить Московсо и конат мейс-как молить Москов совить те выставканте и вансызь кодат эрзянь обрятнэ разный таркава Рузынь мастырсынть. Выставкасынть роботы вейке эрзя, кона нефсэнде и ефнесынде весе обрятнынь. Выставкась аште Москов песэ, рузынь адресозо истямо: Воробьевское шоссе, № 2, быв. дача Мамонтова Центральный Музей Народоведения. Выставканть теизе директорысь те музеенть Проф. Б. М. Соколов. Паньчозь залатне эрьва чине с 12—6 час. Недлячиста и празникстэ 11—7 час. Пекстав — понедельникстэ и гетверьчста.
Моледе, ялгат, и ванодо, кода эрить эрзятне, кодат сынст тевист—парыст. Тесо же тынь ваньсынк и лия народынь обрятне и лия народынь пара-чист. Выставкасынть кямишка залт.
М. М.
| СОКАМО ВИДИМА ТЕВТЬ. |
| Анукстадо кором. |
| (Эрзянь агрономонь валт). |
Те иень урожаись невтизе пряндо а паро пельде. Весе Рав лангусь кадувсь сюровтомо и коромтомо. Скотинась моле базарув алкине питнень кис-сон теленть а андуве. Скотинанть миемс аволь трудна, а кода мейле рамамс? Вот чтобо пеиль алув а яравтумс и базарув питьнивтиме а ветямс, эряви ней же думамс, кода ванфтомс остатка скалунть и алашенть. Эряви кругом варштамс а муят ли кодамуяк ки, кона невтевлезе бу спасения скотинантень. Советской Властись сонценде пельде те гевинть кувалт кой месть тейсь и теи, но кажной хозяинысь кедень путусь ащиме не должен. Если саемс кором тевенть, то ведь сон пек громоздкой, грузямс тыща вальгий петь ускомс и еще сядо хлопутат мартундо сесты кода можна муемс сондо минценек кругом.
Вот тень эйсты мон и хочу евтамо кавто-колмо вал.
Варчамс жнива лангс. Мезе сон миненик максы сексень пэрть? Аламушка сорь-тикше конань травасы скотина пельц вачо, ды моданть чалкснеэ, а чачуни парукс тейсы и весе лезызэ теск.
Паро хозяин лиясто ваны лангузундо. Сон мере, что чем стяк пустовамс эряви жниванть кэпидемс и видемс лангандо коромкс кодат кат зернат можно думамс, что сон думе благоразумнойстэ, если види розь эль товзюоро мельга ярвой вика, лучи пинемэ марто. Тень кувалт носовкань опытной станциесь (Черниг. губ.) мере, что вети иень опытысь максь истямо средней цифра: 100—150 понт десятинасть пэк паро викань кором. Истя жо корты и Сумской станциесь Харьк. губ.
Тень мельга урожаись а пры — наоборот касы. Жнива ланга викась ен и седе, что сондо коретнень лангсу улить ашут шишкинеть конат саить воздухсто азот: тень кувалт викась похожо клевер лангс.
Правдой тезе эрявить ламо витьвть. Если саемс проса то витьвне як эрявить пустяк — хунтов 50. Сокснень максы ен урожай, конешна валтне молить коромдо. А то ули просань кандямо тикше-могар.
Ен улывиль бу коромкс турнепс; сон вечке суглинистойть и супесчанойть модать, но ровужо мада лангсу як касы енсто напр. степной губерняга максы жнива ланга 500—600 понт коретт. Витьвне эрявить 12—15 хунтт. Бедной моданть сюро нумадо мейли ен навозеямс и видьмекс репсэнть ряцо 8 вершокт ряд ютко марто сесты максы до 1000 пудов. Вот кода можна саемс кавто урожайть ве паксясто. Те ийсты тень кувалт эряви кеминистэ думамс и те тевинть кувака ящикс а путомс.
Косо ули вирь можна пурнамс лапань тикше.
Кажной хозяйствасо улить дурь-тикшеть, обощиень лопат конатнинь тожо можно тевс аравтумс, если сынст заквасить силойсэ. Тень эйсты евтан сы разнысе де подробнасто. А ней зярц а позда добувадо витьвть пиже коромонь теймикс. Ве валца меремс: тряви только качаявмукс кругом-гак кой месть муят. „Мэзи трудят-секень прудят“ миник эрзянь ули истямо поговорка.
Агроном Тергушев.
| Велень эрямо чи. |
| Варштадо лангозост. |
| (Баганя, Шенталинской в., Бугурусл. у., Самарской губ.). |
Минек велесь эри васоло уезд городонть эйстэ.
Кие як а сакшны велесэнек; а несамизь кода эрятано. Эряволь ваномс.
Икеле ульнесть велесэнек кавто школт, ней вейкенцэ-як а тонавтнить. Кудотне истяк аштить наксадыть. Эйкакшонок улицява якить—налксить, ловномо амаштыть.
Кооперативень лавканок арась. Ульнесь анцяк отделения — Шанталасто тукшнись; мейле сень-гак одов саись. Мери: „не оправдывает себя“.
Лавкасонть тавартне ульнесть базардо питнейть Ней только базарцо торгувить.
Торгувицятне весе эсинек эрзят, конат голодстонть сюпалгатсть.
Клуб велесенть арась, спектаклядо минь асодатанок.
Кресткомось овсе аробуты. Председателесь пачк сими самогондо. Газет кие-як а сермады.
Зато церкував ламо якить. Попонте доход максыть; кулакс сонен дэ а эряви. Попось сими и тейтерь—ава ланга яки.
Минек велесэ 500 кардаст. Эряволь-бу удумасто сырьгоземс; арасть истят ломатне.
— Истя ёвлесть Баганянь цёратне, тейтертне.
Долгов.
| „Кода сюронь тефне молить“. |
| (Сок-Кармалинской в., Бугурусланск. у., Самарской губ.). |
Минек волость каить народось пек тандались, кода арасиль пиземетне и сюротне берянгацть. Сюрось сеск верев кусь и розись омбоце пель целковойсь кузекшнесь. Сюпафне родувакшность, а беднойтне тандалисть, кабы вачодо опять, а кармомс аштеме. Кона-кона сюпавось рамсэме кармокшнось уш седе ламо сюро. Но мейле тефне лиякс тусть, кода аламонь-аламонь кармасть пиземеть ульнеме. Ней уш тефне аволь пек, ушалац молить кода ульнись 1921 годстонть. Кармасть сюротнень пурнамо и мейлень пиземетне, аламошка максы кором скотинатненень. Конань ульнись видез розь то аламошка саи кой мезе, потом ярвойтнень эйсто кой мезе саить и пек покш надешка картошкатнень ланкс, конатне видна пиземеде мейле ент улить. Годось ютафтови аволь уш пек берянсто. Вонцть-вонцть пиземетнень ланкс и сюронть прафтизь седе алов и сечас розинть питнезо 60 коп. пондонть. Бедный ломать и лядо ризна, что вачодо корматадо аштеме, седе вейс дружнасто пурнаводо и седе кооперациянть малав арадо, кона тын нужанк-горянк содамо карми и посублямс кой мезе карми. Седе кеместо кундынк бокадо крестьянской взаимопомощинть, кона тоже эсиньк учреждениясь и эсникь ялгатне тосо аштить. Ванодо парьсте школатнень ланкс, косо должен эсиньк покшанк тонафнемс и мейле седе кармить содамо, а кона ламо соды то се седе парьсте, и эри, и вачодо, а яште!
Бедный Эрьзя.
| Колмо попт оргоцть. |
| (С. Алово веле, Городищенского уезда, Пензенской губ.). |
Аловань эрьзятне пек вечкить пазнэнь озномо, ды поптнесэ. Остатка панарост максызь попненэнь ознумань кис.
Кода амаксомс попненэнь, коли сынь минек грешноень кис озныть — кортыть сыре ломать.
Церкувасо конясост поркснить колинка ланксо озныть.
Но аволь весе ланьганят Аловелень эрьзятнедэ — улить эстедест и превейть, конат стуфтызь знярдо лоткасть пазнень озномо.
Не ломатне — од ломать, ды службасто сазь краснооармеецт. Паро тев теить не од ломатнэ красноармецнэнь маро. Сынь тонафтыть весемень эсне, — сыре ломать и ту кемме кармасть валсост. Колмо попт велестэнть оргоцть, церкувас кияк аяки.
Попонь маштума шкась сась.
Революциясь эрьзятнень гак стявтынзэ попненэнь карчо.
Религиянть эряви маштумс, саты маньшесть эсненек.
К. Радаев
| Учутано Агроном. |
| (ст. Захаркинско вол., Петр. у., Сарат. г,). |
Сисем иеть кода уш минек кеце властесь. Эсинек правительствась стараи велень хозяйстванть стяфтомс пильге ланкс кинигань, аргономонь валонь кувалт. Минек волостетесэнть сюровидицятне пек теевельть истя, кода эряви, ну арасель и арась тешкамс агрономонь указаният, невтимать. Стувтызь нать что косо-бути ули, ды эри ст. Захаркинской волость агрономтомо. Губкомонь секция марят, агром волостезенек эряви, тылкадинк Губземотделсть — кучозо тенек агроном.
К. С. М. Б.
| Не тевтнеде парстэ эряви содамс волисполкомтнэнень. |
| (С. Ламбаськи, Лукояновского уезда, Нижегор. губ.). |
Аздан не тевтне парт, эли апарт. Минек Ламбаськесе улить—эрить атят бабат — кавоенест эсерт (предательть). Сынь пек молить коммунистень карчо. „Атясь“ Степан аграном, бабазо Марина тынафтыця. Фамилияст Кручинкин. Пек авечкить коммунистнесэ, комсомолецнесэ — аздан кода эзизь машт ютась шкатне пиньгева (18—19 иестэ) Степанць ней служи таго мезикс Лукояновскойсы 128 чувт строевой вирь получась. Аздан кода максызь теизе, стяк, или 75% скидка марту. Колмо срупт Митулка улицясо чапсь. Весе Митулкань пиризе срупсо Нищойть якить ульцятнева пешксе. Сыненст иля мольт, паньдядызь. Тевист парт! Верь потить эстеденек. Аяй-бу сорнофтомс!
„Сускиця“.
„Якстере Тештенть“ пельде. Волком Р. К. П. Р. К. С. М. щупинк вадринесте, кодат истят ломатне СССР. эли лия масторонь, конат молить тынк карма, ды сермадо монень.
Редакция.
| Тетязо ваткизе балалайкасо налксимань кис. |
| (Ташто-Дема веле, Петровского уезда, Саратовской губернии). |
Тевесь ульнесь Тешго-Дема Велесэ. Велесь покш 650 кудоэрицят Ламо эйсэнзэ одломать. Улить анцяк велисэнть ниле комсомолецт. Роботыть не комсомолецнэ, ды тевесть пек беренстэ малить — кодаяк апурнавить эсь перькаст од ломатнэ. Вельтьпек уж концолыть попонь валт, асехпек тетянь-авань валт.
Тетят-ават эрявольт икеле лацо. Минь-од ломать од эрямо, коммуна теивленек. Секс тевсь юткованок алади. Аволь умок ульнесь спектакль. Спектакльс мольць балалайка маро Дрига, Сошкань Васькань церазо. Спектакльсэ Дрига налксесь мороть балалайкасо.
Спектакальде меэле мольц кудов. Кудосо тетязо-авазо кода кудандасызь прячерде ды давай ваткамо. Кавто чить ваткасть эснензэ, сон яла ранги-аварди. Ламо минек истя тетят ават чавить эснэнек.
Мезе теят марост.
Мон бу Сашкань Васьканень сех пек меревлень: „Мейсь тон чават эснэнзэ. Мезень саламо-коламо теись церат Дрига? Ловнума кудо, спектакльть паро тевс тонафтыть од ломатнень. Эли апак тонафт церат кадувлек. Советской властенть пинкстэ истя атейнить. Истя икеле тейнесть. Од ломать паро арцить и тыненк и эстест. Кадык весе од цератнэ, тейтертне совить комсомолкс.
И. Борискин.
| „Кода тефне минек кредитной т-васо тусть“. |
| Сок-Кармалинской в„ Бугурусланск. у., Самарск. губ.). |
Минек С.-Кармаласо Кредит. товариществанок ней кармась седе лац робутамо. Колмо ниле велива паньчь лавкат (отделеният) и сайсь агроном. Товарось кармась седе прибавамо и магазинанть отцто теизь седе лац. Члентне кармасть прибавамо и ней сядодо ламо уш сувасть тозой. Получакшность кавто тыштяшка ярмакт и сетнень весе явшизь долгс беднойтненень и артель-ланга: Усксть городство кинишкат кооперативдэ и панчсть (читальня) ловномо кудо провлениянтей. Выписывают нили-вете газет, конань свал ловныть ломатне тов якицятне.
Председателькс тосо Олесов, сётоки развитой ломанесь и коли кунды робутас то сон тейсы. Коли карми чапамодо симеме то минь сондо сечас удалдо деркатсынек ёнсто и сон потазеви. Кармась седе ен роботникт пурнамо и сы телентей и кизэнтей тефне пек парьсте нолдавить.
Эрьзя ялгат сувадо членкс кредитной кооперациянтей, кона тыненк весе карми добувамо и тынь эсинкь хозяйстванк пек кепитцинкь. Весе сюронк и лия мези мийть только кооперацияв, ведь сон эсинек лавкась и эсинек коряс яла стараи!
„В. А. П.“
Издатель: Центр. Издат. Народов СССР. |
| Главлит № 21.702. Москва. | 1-я типография Центр. Изд-ва Народов Союза ССР. Никольская, 10. | Тираж 1000. |
