Якстере теште/1924/15/Кодамо лезэзэ картуханть
| ←Картухань апак виде-хозяйстват а кепедсак | Якстере теште, № 15, 27 мая 1924 г. edited by Васильев, Тимофей Васильевич Кодамо лезэзэ картуханть by Сюровидиця |
Ведись кармавтома работамо→ |
| Якстере теште. Еженедельный орган мордовской секции при Ц. К. Р. К. П. (б.). — № 15, 27 мая 1924 г. — с. 2—3 |
| Кодамо лезэзэ картуханть |
Пек сеетсто савкшнэ ловномс газетсо, косо сюровидицятне пенецить, што а ков тенст теемс картуханть. Сынь сермадыть истя: „мерьтядо тенек, штобы минь видевлинек седе ламине картухат, а миемс сонзо а ков, — питьнезо сонзо анцяк 8-10 копейка пондось“.
— Картуханть можна ков теемс, анцяк эряве маштомс.
Картухань тевень ветямонтей улить пек ламо виде кит. Эряве эрьва сировидицянтень кочкамс ве паро ки.
Самай сек паро и виде ки картухантей — сонзо эряве теемс скотинанень коромокс.
Теедэ картухастонть ловсо!
Картухась сек выгодна потявтома скалонь андомс, лия короманть коряс. Картухадо андозь екалтне максыть пек ламо ловсо. Скалтнэ картуханть ярцыть пек парсте. Питьнезо сонзо авуль пек покш.
Учонойтне ловить истя, што 5-6 хунт картухатне скотинань андомсто могут полавтомо вана зняро кором: 1 хунт зерна эле колоба (жмыхат), 2-3 хунт паро тикшэ, 5 хунт олго, 10 хунт пиже тикшо, 8 хунт секлат и морков, 10 хунт кормовой репст.
Если картуханть кармат андомо потяфтома скалонь, то сон кавксть седе покш лезэ канды миемадонзо.
Потяфтома екалонтей можна андомс эрьва чине 25 хунт паро картуха. Ловсонзо картухадо андозь потяфтома скалонть сеск жо, потяфтомадо мейле, эряве лифтемс варма кошт карчо, ота сонзо эйсто карме качадомо аволь паро чийне. Истямо лавсодонть оись карми тожо качадомо.
Теинк картуханть тувонь сывелькс!
Эрьва 9-10 пондо картухатне максыть 1 пондо тувонь сывель. Знама, если кормат андомо тувотнень ве картухадо, то авуль пек выгодна; Эряве кайсеме тенст хартухатнинь човор еще кодамояк кором.
Если тувотнень кармат андомо картухадо, то сон седе покш лезэ кандэ.
Тувонь сывелесь ошнэнь эзга пек питней. А ведь куя тувонть эйстэ можна улевель керьцемс паро тувонь сывель бокат, конатнень можна улевель (окорок), миемс лия масторов. Питьнест
[ 3 ]паро тувонь сывель бокатнень Англиясо ней 20-22 целковой пондонть
Ве тувонтей конань сталмозо 4-6 понт можна кайсемс тензэ эрьва чине 20 хунт пидезь картухат, зерна марто човор.
Ищо пек лалю и покш лезэзэ картуханть. Сонзо можна костямс и коськсто микшнемс базаров. Ниле пондсто можна саемс 1 пондо коске картуха. Питьнезо косьтяфт картуханть 1 целковой пондонть.
Картуханть эйстэ можна теемс крахмал, патыка и эще кой мезэ. Но кооперативс и артельс апак пурнав, ськамот те тевись а изняви.
Паро улевель, если куть картуханть эйсо кармавольть сюровидицятне скотинань трямо, штобо сон авуль наксале истяк.
Сюровидиця.