Якстере теште/1924/03/Эряви содамс вейкенк-вейкенк эйстэ
| ←Ули ли лезэзэ эрзень букваренть? | Якстере теште, № 3, 11 февраля 1924 г. Эряви содамс вейкенк—вейкенк эйстэ |
Нужа→ |
| Якстере теште. Еженедельный орган мордовской секции при Ц. К. Р. К. П. (б.). — № 3, 11 февраля 1924 г. — с. 3 |
| Эряви содамс вейkенk—вейkенk эйстэ. |
Улить минек кавто эрзянь педтехникумонок. Вишка Толкайсо, Самар, губ. и Петровскойсо, Сарат. губ. Тонафнеть тосо эрзянь од церат и тейтерть. Кой кить не од ломатнень эйсто курок прядсызь тонафнемаст и туить эрзя велева эрзянь тонафтомо.
Содыть-ли сынь мезеяк вейкест-вейкест эйстэ? Аздан содыть-ли. Толкайскойтьне содыть, что Петровскойсо уле истямо жо эрзянь педтехникум, а нонат содыт — Толкайсо уле. А кода тосо эрить од ломатьне, месть сынь думить, кода моле тевест, кодат сынст нужаст? Тен аздасызь. Месть тейнемс, чтобы содамс вейкеде-вейкеде? Монь койсо, вана кода эряве теймекс. Петровскойсо и Толкайсо получить эрзянь газет „Якстере Теште“. Те газетантень и эряве сермадомс од ломатьненень сынцист эрямодост. Сестэ кармить сынь содамо вейкест-вейкест. эйстэ Ды аволь анцяк сынь, а весе эрзятьне кармить содамо кода молеть тевтьне эрзянь педтехникумтнесэ. Сестэ седэ курок кармить ве думсо думамо, ве превсэ роботамо. А од ломатненень, конат тонафнить эрзянь педтехникумсо пек эряви ве превсэ роботамс. Ведь сынь весе кармить ве тевень тееме-эрзянь тонафтомо.