Якстере теште/1924/03/Алексей Иванович Рыков
| Якстере теште. Еженедельный орган мордовской секции при Ц. К. Р. К. П. (б.). — № 3, 11 февраля 1924 г. — с. 2—3 |
| Алексей Иванович Рыков. |
Сонзэ пурнызь Ленин ялгасть таркась, председателекс Советунь Народной Комиссарунь. Сон весе эрямозо ютафтызе революционой робутасо. Иензэ ней сонзэ 43.
Вишкиненень эрясь Саратовсо тетянзо семиясо. Тетязо-крестьянин Вятской губернянь.
Вишкиненень уж сон кармась робутамо тайной революционой кружокка. Сон ульнесь алуш Балмашовнэнь, конась чавизе министрань просвещения Боголеповунь и тень кисэ сонзэ повудизь петляс. Се шкастось Рыковунь кеце ульнесь обыск конадость мееле сонензэ эсть мерть тонафлеме столичной
[ 3 ]университецэ. Сон ялганзо марто тейсь первомайской демонстрация, конасость пек чавизь сонзэ черносотенецт. Тене мееле, чтобу а пангомс полициянень, сон оргоц и эрясь салавке 1917 иес.
90-й истьнестэ сон кармась тонафле — Казанской университеце и се шкастость совась социал-демократической партияс. Робутась тосо 6 месецт. и сонзэ арестовизь. Тюрьмасо ульнесь 9 месецт.
Весемезэ сон ульнесь тюрьмасо 8 иеть и ламо еще ульнесь ссылкасо, косто эрьва раз яла орголесь.
Ленин марто сон постоянно кирць связь. Сон васня васонь Ильичь марто 1903 иестэ Женевасо (Швейцариясо). Эрясь тосо 11/2 иеть и тусь чужой паспортунь кувалт Россия.
Росиясо робутась Ярославсо, Костромасо. Н. Новгороцо, Московсо, 1905 иестэ, зярдо ульнесь революция, Рыков ульнесь петербургской тюрьмасо. Кода тосто лись, то сонзэ пурнызь Питерской совец рабочих депутатов. 1917 иестэ, зярдо кармась теевме революциясь, сон ульнесь ссылкассо Нарымской крайсо. Кода сась тосто, то пурнызь призидиумс Московской советунь.
1905 иестэ и те шкась сон ащи членэкс ЦКРКП. Сон наладил тевсть В. С. Н. X. (Высш. Сов. Нар. Хоз.) 1921 иестэ, зярдо Ленин кармась сэредьме, Рыковунь пурнызь заместителекс Ленинынь Совнаркомсо и СТО (Совет Труда и Обороны). Еще сон пурназь членэкс призидиумсо ВЦСПС, ЦИКССР, председателекс Общ Друз. Возд. Фл. и еще ламо лия робота веди.