Эрязденть арсезь (2010)/Эрямопингень чувтось рашков...
| ←Сырнекс цитни товзюрось... | Эрязденть арсезь (2010) by , edited by Разгуляева Т. В. Эрямопингень чувтось рашков... |
Аволь свал парось — паро→ |
| Нуянь Видяз. Эрязденть арсезь: ёвтнеминестэ пурназь покш ёвтнема. — Саранск, 2010. — с. 152—154 |
[152]
| Эрямопингень чувтось рашков... |
Сявалить сельмень: ламот эйстэнек содыть эрямонь ве лув, ве теште тенст верде кончтни. Тонавтнесь тонавтыцякс эли инженерэкс, чачсь кудонь путницякс, артистэкс — истямокс кадовияк. Мезеяк лия сонензэ а эряви, мезеяк лия а неи, а мари. Пингензэ макссы зярдо-бути муезь эрямонь сурепентень. Секскак, кадык аволь весе, эсь тевест содасызь седе домкасто ды эрьва ёндо. Каня те берянь? Кинь виеми мелезэ молемс ланга-прява содыця ормань очобицянень? Эли максомс эйкакшонзо мельде-вельде, мезескак а чарькодиця тонавтыцянень?
Виде. Истямо мель аптюконь превскак а сови.
Ансяк...
Эрямось ашти аволь вейке, кодамо паро илязо уле, седейс педиця ёнкссто-тевстэ, аволь ансяк профессиясто. Сон теке тундонь луга. Эйсэнзэ вановт кецневтить аволь ансяк якстерестэ сеериця балягат. Якстеретнень юткова вастневить ашот, сэнть, ожот, тюжат... Тень эйсэ луганть мазычизэяк. Эрямонтькак. Ансяк вейкеде, кадык педе-пес, содазь, ломантне а кармить чарькодеме вейкест-вейкест. Юткозост чувови а ютавиця латко. «Вейкеде содама потмаксос ды аламнеде весемеденть», — вана кодамо кезэрень арсема лувось лезды ютамс аютавиксэнть трокс.
... Эйкакшпингстэнь марявсь, картинатне, артомапельтне, карандаштне. цёкинетне, этюдниктне кадовить тень кедьёнксокс меельце лекстямозон. Ким, кеминь, муевсь. Сон — монь, аволь киньгак. Колмошка неть ловинь прям Левитанокс ды Саврасовокс! Сельмень икелев сеедьстэ сакшныльть Пукиревонь «Неравной брак», Брюловонь «Последий день Помпеи» ды лиятнень картинаст. Мейле...
Дубинькань школасо кавксоце классо тонавтнемстэ эртевинь вейке цёрас. Теевинек содавиксэкс. Миша. Фамилиязо Азиков. Од ялгам онстонзояк арсесь... театрадо. Лиядо мездеяк эзь сода. Мелезэяк арасель. Ловнось, порезь порсь театрадо ды кинодо книгатнень. Ёвтнесь тень умонь ды неень шкань артисттнэде, сынст рольдест, эрямодост, эсензэ налксемадонзо, школадо мейлень тонавтнемадонзо. Лангс ваномскак Миша артист! Ашназа черь, сэнь сельме, а сэрей, а алкине, кортакшов. А уш мизолксозо... Вейкеть ашо пеензэ цитнезь цитжпъ. Астяко тейтернетне мартонзо вастовомсто нолдтнесть пряст ды кайсесть лангозонзо салавань вановтост.
[153] Од ялгам казсь тень карточкат содавикс артисттнэнь портретэст марто, зярыя книгат. Ловнынь. Мелем эзь топавтово. Саинь библиотекасто. Вейке, омбоце, колмоце... Эзинь фатяяк, кода прянек-пильгенек совинь мон, велень цёрыне, од, асодавикс, кенярксов ёжонь сыремтиця, ламо тюссо кувтолдыця масторонтень. Щепкин, Волков, Каратыгин, Стрепетова, Ермолова, Станиславский, Немирович-Данченко, Рыжов, Андреев, Пирьев, Макарова, Орлова, Ладынина... Инешкипаз, каня ледстявить весень фамилияст! Эрьванть эйстэст ловинь эль а пазокс.
Васень превспутыцякс ульнесь тень аволь кияк, аволь Миша ялгамгак, сонсь Станиславский, Константин Сергеевич Станиславский, во! Эрямокидензэ карминь содамо «Моя жизнь в искусстве» книгастонзо. «Системанзо» ловнынь мелень путозь, арсезь, карандаш марто. Бажинь седе видестэ ёвтамс те или тона валонть, фразанть, виевгавтомс кортамом кедень эрявикс ахолемасо, мимикасо. Эсь прям неия покш сцена лангсо рольсэ налксицякс.
Физика, химия, тригонометрия... Келетькак яжасак! Мезекс? Лангозост ванынь суронь пачк. Сыньгак пандсть текеньсэ, а пек бажасть совамс удемень сормсевксэзэнь ды муемс эрявикс таркине. Сови классонтень «Алгебранзо» марто Вера Сергеевна ды ушоды мурнемень: «Ну что за ученик этот Четвергов?! Только что по истории получил пятерку, а у меня по алгебре вчера — двойку! Что с ним делать — не знаю». «Лакси» эйсэнь, сонсь кедьсэнзэ порсо нть классонь лазонтень лавсаи. Чатьмонян. Мезе мерят? Чуман чумовтомо. «Литература, история, кельть, география — вана монь вечкевикс канстон», — эринь те меленть марто.
Инжекскак тень эзь совсе арсемась: эрямопингень чувтось рашков. Прок оля таркасо касыця сыре, лазнотозь керь тумо. Кона рашкованть Пазось мери теть куземс? Ков ветятанзат?
Од шка, од шка! Эрямопингень тундонь нармунь. Сёлмонзо келейть. Ливтни плетенень апак сода эрьва кува: чувто прява, пельтнень малава, моданть ёжова... Цянавкс капши. Арсемс шка а кадови. Сайнимим теевеме содавиксэкс Левитан марто, мейле пачколинек сонстензэ Станиславскойнень. Эрьваксть арсинь: кадован юткозост. Мейле... таго мейле, тундонь вий нармунесь саимим...
Саимим нармунесь ды дух а янксян. Артыцянь, невтевикс [154] искусствань таркас сынь наукас. Варштнемат, ванномат, онстнемат, лабораторият, приборт... Станиславскойдедыприбортнэде мейле празь прынь ашо, ванькс конёвонть вельксс, кадык аламнеде шкадо мейле прянек-пильгенек ваинь сёрмадомань эрькентень. Книгат, газетат, статьят, ёвтнемат... Вастымизь сынь монь, кутмордымизь теке умонь эсь ялгаст.
Максовольгак тень Пазось од, омбоце эрямо, ютавлия апак янксе, апак кавтолдо кинть, конань ютыя.
* * *
Абунгавтымим, абунгавтни чивалгома ёнов шаштомстонгак: покш эрямос эскельдицятне — школань прядыцятне, малав весе, а содыть ков сыргить седе тов, мазыйстэ ёвтазь, арась икелев-верев тердиця тештест. Эрямосон шкань пелькске, минута арасель — а содамс ков молемс, мезекс анокстамс прям, мезе, кодамо эскелькс карман тееме ванды, вандыде мейле, куломазон. Те кода истя — а содамс мезень кис сыть тей, кадык аволь свал оймень эждиця, моданть лангс? Те кодамо эрямо ёнавтома, мельтеме теемс кодамояк кадык паро, ламонень эрявикс тев?