Эрязденть арсезь (2010)/Раськень Озкс
| ←Ниле чить Эрзянь Масторонть седейсэ | Эрязденть арсезь (2010) by , edited by Разгуляева Т. В. Раськень Озкс |
Инешкипаз, Вере Чипаз! (раськень моро)→ |
| Нуянь Видяз. Эрязденть арсезь: ёвтнеминестэ пурназь покш ёвтнема. — Саранск, 2010. — с. 293—304 |
[293]
| Раськень Озкс |
ВЕЛЕНЬ Озкс — чарькодеви, пурнавить ве таркас, репештяс, озномо-ливамо веленек. Аравтови чи, ютыть велеванть ярсамопелень-мезень пурныцят, ды тешкстасызь койтнень коряс цисланть-эрьганть.
Кода ютавтневсь Тюштянь шкатнестэ Раськень Озксось?
Юткотне буетнень, велетнень ютксо кувакат. Ломантне ламо. Эрить эрьва кува, васолга. Ве таркас а пурнасыть. Якамопельтнеяк аволь неень — пильгетне кавто эсеть ды ниле — лишмень. Секс Раськень Озксс кучовильть эрьва велестэ-буестэ кочказь зярыя ломанть. Неень кортавкссо — делегат. Истя эрьва ёндо сыцятнеде пурнавильть аволь вейке тёжа. Васолдонсетне сакшность лишмесэ эсест ярсамопелест, курмост-кармост ды натой эйкакшост марто зярыя чис.
1629-це иень рузонь вейке докуменгсэ ёвтневи: «...ив тот же день была деревни Старых и Новых Чукал у мордан мольба над их родители, по вере осыпали землею — маар, а были на той мольбе Арзамасская и Нижегородская мордва с женами и детьми...»«...и русские всякие люди тут приезжали и смотрели, как они по своей вере землею мары осыпали, а по ним из луков и пищалей не стреляли...»
1999-це иестэ, 370 иень ютазь, саиндерямс юрокс се документэнть, Кшуманцянь Пиргужонь (Мусалёв Г.Д.) мельсэ-тевсэ озномань те илась вельмевтезель. Сон тешкстазель таркасонть, конадо ёвтави 17-це пингень конёвсонть — Чукалвеледенть аволь васоло Мааронть лангсо (ней — Мордовиянь Игнатбуень Чукалвеле).
Мейсэ те кирданть эсь чачозо, кодамо ютавтомань лувозо ды, теке марто, зэмезэ?
Каршо чистэнть (те ульнесь 1999-це иень медьковонь 16-це чи) вейсэнь ярмакто рамазель бука. Валске, ашолгадозь, сонзэ мазылгавтызь тикшесэ-балягасо ды морсезь ютавтызь велень куротнева. «Ванодо, кодамо питней казне анокстынек Инешкипазонтень!
[294] Кемеде, Пазось астувтсамизь, вешеманок-энялдоманок тонавтсынзе. Шумбрачинек ванстови! Садо, весе садо!» Теде мейле буканть ветизь Ознома таркантень. Тесэ, башка таркасо, печкизьгак. Ташто койтнень коряс, сонзэ совавтылизь тень туртов теезь кенкшка. Кеденть понгавтылизь чувто пряс. Веренть нолдылизь кев алов эли мода потс. Тень вельде ёвтавиль кодамо-бути мель.
...Пингень домкачитнестэ маряви торамонь тердиця гайть. Тюштя мерекшнесь: «карминдеряй вармань ялткеде торамо торамом, учодо, канды кулят. Седе сеедьстэ берянть». Ды вана гайгезевсь, гайги кажодо, кона стардымизь минек, эрзятнень, гайги вейкеде — улемс тенек валскень чисэнть эли ёмамс мода-масторонь раськетнень ютксто, соламс сыця чоподасонть. У-у-у — увны, у-у-у — увны, пачти варминесь косто-бути мода потсто лужаня вайгель. Тень марязь, лейненть чирестэ Мааронть ёнов сыргась апак капша Озавась. Оршазь прясто пильгс эрзякс. Кувтолдыть чипаенть каршо кирьгасонзо эрьгтне, пангозо. Яла седе малав ды малав. Кедьсэнзэ, мештензэ каршо, яндавас озавтозь буень штатол. Озаванть кавто ёнга молить лездыцянзо, нардамосо копачазь кедьсэст кши (шумбрачинь тешкс, лувкши) ды кедьгинесэ медь (кувака пингень эрямо тешкс).
Эскелькс, лията... Ды вана уш Мааронть вакссот. Сонзэ прясо покштояк покш, ломанде малав кавксть сэрей Раськень Штатолось. Те шкастонть Чилисема, Чикуншка, Чивалгома ды Пелеве ёндо Озаванть каршо лисить ниле цёрат-атят. Сынь вастовсть Штатолонть вакссо. Цёратнестэ вейкесь, Эрюшонь Вежай, саизе Озаванть кедьстэ буень Штатолонть, кузсь кузтемаванть ды кирвазтизе Пазонь Штатолонть. Толозо эзь мадстеве вармантеньгак. Палт, палт, кемеманок! Ульть тердиця тештекс. Валдомт эрямонь аволь пек валдо-валаня кинек!
Сюлмавксось Пазонть марто аравтозь. Кортак, чамдт потмот, ёвтнек эсь кеняркстот, нуварачидеть, кавтолдомадот, арсемадот. Каштмолема. Сезизе сонзэ Озавась. Сон кепединзе кедензэ — панжадо коморонзо — верев, менеленть пелев, чилисеманть ёнов ды пшкадсь Инешкипазонтень.
Инешкипаз, Вере Чипаз! | |
| [295] | Эрязденть арсезь |
Васня ёвты валтнэнь Озавась. Мельганзо эрьва киксэнть валонзо ёвтавить омбонь кирда. Икелензэ стядо аштезь, кедест кепедезь.
Визькс, сэредьксэнь марямга визькс покштянок-сыряванок, тетянок-аванок, патянок-сазоронок, лелянок-ялаксонок икеле — а содасынек те пшкадеманть-энялдоманть, а содасынек сонзэ зэмензэ ды ёвксонь морокс гайгеманзо. Мезеяк малавикс школань литературань программась а максы! Тунь. Натой «малавикскак»! Эйсэнзэ ёвтазь валтнэнь коряс эрязь, сынст кунсолозь, ломанесь седе седейшкава, «верьга ливтнезь», чарькодевлизе мекс сась Мода-масторонть лангс, мезе кады мельганзо, арсезевель валскень чиденть, кирдевель седейсэнзэ ёжось — сон петнявкске раськензэ эйстэ.
Умок-умок эйстэнек Тов туицятне сеедьстэ кепсизь вановтост тештьсэ ды тештинесэ видезь менеленть ёнов, якстерестэ лыйниця чилисеманть пелев, содылизь кортамотнень велькскаст сравтневезь сэнь паксятнень марто. Теке марто, зярдояк эзизь стувтне сындест икеле эрицятнень, покштянь покштяст, кирдсть мельсэст эйстэст ледстнематнень.
Озавась, кедензэ апак нолда, теке менеленть моданть [296] марто сюлмавксонь теезь, терди сыцятнень кундамс лемест, кить мусть пингеде-пингень оймамочи, пшкади умоньсетненень:
Эрзянь покшт, покштинеть, |
Эрьва киксэнть, Озаванть мельга, сыцятне, кода Инешкипазонтень пшкадемстэяк, чилисема ёнов кедест кепедезь, ёвтыть омбонь кирда.
Кодамо ве валовкс ды видечи, кодат мельть ды мазычить ёвтавить неть валтнэнь вельде. Натой философиянь коське, аволь сеске превс саевиця вемельс прамотне марявить Энялдомасонть эрийчикс ды гармониякс. Валтнэнь ды мельтнень кунсолозь, ушодат майсевеме кевкстемадонть: мезес пачкодевлинек, ванстовольгак эйсэнек раськень ёжось, покштянь-инявань мелень ваномась? Сеске кевкстеманть мельга — апаро, седеень сювордыця вий, кирьга паренть потомдыця «ал». Каня овсе мезеяк аволь полавтово вадря ёнов течинь эрямосонть, кармавольтькак эрямо Энялдомасонть сёрмадозенть коряс? Пушкин — гений, ялатеке сонзэ «.. .Любовь к отеческим гробам» мезеяк а ашти невтезь-ёвтазь шедевранть коряс, конань теизе раськесь-гениесь ламо-ламо пингень перть. Сэредькс ды ойме ёжонь мелявкс: а стувтомс, а нерькстамс эрямостонть энялдомасонть виде-виде, домка-домка мельтнень.
| [297] | Весе тынь — седейсэнек, |
... Пингеде пингень эрямо Тюштя инязоронтень! — макссь вайгель Озавась, ды тень эйстэ ушодови, эрзянь илатнень коряс, самост Тосо эрицятнень, сетнень, кинь лемест эрявольть содамс эрьванень, сёрмадомс сырнень буквасо, кить максызь пряст Эрзянь масторонть олячинзэ кис.
«Торама» ансамблясь моры «Косо Тюштянь масторозо». Васов кадовозьстэнть, Тосто, сы... ТЮШТЯ. Кузи Мааронть тёкшос, колмоксть сюкони ды ёвты валт:
«Эрзят! Мирэнь-масторонь Теицясь, Инешкипазось, кучи тенк пазчангот, арси паро мельть ды шумбрачи. Кода лиси чись палозо седейсэнк эрзянь оймесь. Свал кунсолодо монь сюром. Зярс карматадо марямонзо, знярс карматадо эрямо! Ледстнеде монь лемем. Ванстодо эрзянь келенть, вечкеде Эрзянь Масторонть!»
Прядсы кортамонзо ды туи Мааронть тона ёнов.
Пингеде пингень эрямо Пургазнэнь!
Пургаз: «Таго, ванан, эрзясь бажи эрзянтень, касты седейсэнзэ каштанчи, тееви а изнявиця раськень пелькскекс. Те монь кецневти. Киштезь, моразь ды эсеть кис аштезь эряк, эрзя! Аштеде раськенек кис, эрзянь раськенть, Эрзянь Моданть кис, кода мон! Нолдынк чумом, эзь кирдеве, эзь ванстово тень ды тенек прявтошонок, неень Алоошосъ, Эрзянь Масторось!
Пингеде пингень эрямо Эрзямасонь Олёнанень!
Эрзямасонь Олёна: «Мон, содатадо, Разин Степанонь шкасто виень, эрямонь апак вансто тюринь Эрзянь Масторонть кис. Монь тень кис пултымизь чапо потсо. Пултымизь эрзятнень олячист кис аштемга! Тюревельтькак сестэ истя весе, кода мон, течинь пайстомочинтень тынь, монь мельга эрицят, аволиде пачкоде!» Французтпе эзизь стувто эсь Ине тейтерест, Д’ Аркепь Жаннанъ. Седе сеедьстэ ледстнинк монь лемем тыньгак, эрзят!
Пингеде пингень эрямо Боляень Акайнень!
Боляень Акай: «Минь вейсэ Олёна марто виень, верень апак вансто аштинек Эрзянь паксятнень-виртнень, эрзянь келенть кис. Маштымизь Олёна марто ве иестэ, 1670 иень ацамковсто. Куломам ульнесь аволь сескень, кувать савсь тень [298] майсевес, пек ламо сэредъкст печтямс. Васня сезнизь пильгень, мейле — кедень, мейле уш — прям! Ялатеке алкуксонь эрзянь оймесь а тапави. Вечкеде, эрзят, эсь раськенк, эсь Масторонк. Кастодо вий оймесэнк-седейсэнк!»
Пингеде пингень эрямо Василень Несмеяннэнь! Василень Несмеян: «Мон, Несмеян, кемгавксовоце пингень
1743 — 1745-це иетнестэ тюринь Христосонь поптнэнь каршо. Сынь нарьгасть ды куловтсть эрзятнень, минек Кемеманок Инешкипазнэнь. Тень кис монь пултымизь, кода седе икеле Олёнань, Сарлеень калмолангсо. Тынь, течинь эрзят, содадо теде ды кундсинк лемем. Тынк кис, икелень аштицят, палынь мон толсо! Истя вечкинк минсенек Инешкипазонть, кодамон!»
Пингеде пингень эрямо Алексеень Кузьманень! Алексеень Кузьма: «Мон, Алексеень Кузьма, ды Несмеян — ве велень, Покш Сеське велень цёрат. Кеминек ды ознынек эрзянь Пазонтень — Инешкипазнэнь. Кевейксэеце пингень васень иетнестэ ниле тёжадо ламо эрзят пурнавкшнынек идемензэ Христосонь койтнеде. Рузонь царень ушмантнэ ды поптнэ эзть максо тенек олячи. Монь раздизь судоварям, сыртезь кшнисэ путсть тешкс конязон ды панимизь Сибирев. Тосо кулынь-ёминь. Аштеде, эрзят, коенэк-кирданок кис!»
Пингеде пингень эрямо Чапаень Васильнень!
Чапаень Василь: «Мон, Чапаень Василий, — кой-кить а содыть, — эрзя! Тюринь «ашотнень» каршо социализманть ды Ленинэнь декреттнэнь кис, конатнесэ алтазельть Россиянь весе раськетненень олячи ды башка масторт. Лангсон, марсян, ней пеедькшнить, кода Ленин лангсояк, конань верьсэ текекс эрзянь верь. Ансяк мерян: парось а пейдеви, чоподадо мейле свал сы валдо. Кемекстадо Эрзянь Масторонть!»
Пингеде пингень эрямо Анатолий Рябовнень!
А.П. Рябов: «Икеленк «националистэсь» ды «раськень ятось»
Рябов Анатолий. Мон покш мель явинь эрзянь келень ды литературань кемекстамонтень, сёрмадынь ламо книгат, валкст, тонавтынь од ломанть эрзякс кортамо-сёрмадомо, эсь раськенть вечкеме. Тень кис 1938-це иестэ ловимизь «буржуазной националистэкс», «раськень ятокс» ды маштымизь. Ванстодо эрзянь келенть! Якседе рунгонь витезь, келейстэ эскелязь!»
Пингеде пингень эрямо Эрьзянь Степаннэнь!
Эрьзянь Степан: «Мода-масторонть лангсо мон ськамон [299] кандан Эрьзя лементь! Комсь иеде ламо Аргеитинасо эрязь, бажинь: Эрьзя лемесь гайгевель мода-масторонь келес. Секскак монь эрьва скульптуранть авторозо — Эрьзя. Вельмевтинк алкуксонь леменк, эрзят, кирдиде сонзэ кувалма каштанчи!» Юткстонок лиссть Мода-масторонть келес истят содавикс ломанть, кода Илья Муромец ды Степан Разин. Берянь, эзть саво мартонок.
«Пингеде пингень эрямо Артур Моронень!»
Артур Моро: «Мон — эрзя, прясто пильгс эрзя!» Неть валтнэнь кис монь панимизь Эрзянь Масторсто ды комсь иень перть монь поэтэнь вайгелем ульнесь панжома экшсэ. Илядо пеле, уледе монь кондямокс. Аштеде чачома Масторонк, чачома келенк кис!»
Пингеде пингень эрямо Люлякина Серафиманень!
Люлякина Серафима, моры:
«Монь чачтымим эрзянь ава, |
— Сюконян тенк! Кулынь — мором эзь куло. Сеедьстэ, марсян, морсетядо сонзэ. Сюкпря тенк, эрзянь паро ломанть!»
Пингеде пингень эрямо Надькин Митянень.
Надькин Димитрий: «Ялгат! Оят! Поладодо тевенть, конань кис максыя прям, ванстодо Эрзя лементь, кемекстадо сонзэ. Тень туртов, васняяк, эйкакшонк трядо-кастодо эрзякс. Косо илядо уле, кортадо эрзякс, арседе эрзякс. Сестэ раськенек а ёми. Вечкеде Эрзянь Масторонть!»
Озавась. «Сюкпря, Ине ломанть, ине валонк кис, сынь, кода паро видьметь, праст кавшаня модас ды максост оймень ды рунгонь шумбра касовкст. Свал, Ине эрзят, эрядо минек мельсэ ды минек седейсэ.
Инетнень марто вастовомантень путыть пе эрзякс оршазь кавто тейтерть. Сынь кавто ёндо ветить лишме, сокасо, чинть чарамо лувсо, теить кирькс Мааронть перька.
Кирьксэсь — те аволь ансяк Чинть ды Эрямонть певтемечист невтевкс, те — тешкс, явиця буй эрицятнень ды кулозтнень ютксо. Тосо, черьксэнть тона ёно, Мааронть ало, минек [300] покштянь покштятнень, умок-умок эрицятнень певтеме эрямост.
Ансяк теевсь Мааронть перька кирьксэсь ды саизь сокас кильдезь лишменть ве ёнов, Озавась яволявтсь Мааронть одкстомтомадо, модань каямо ушодомадонть.
Весе сыцятне мельцек-мельцек, кедте кедьс кундазь, ды истя Мааронть перька чипаенть чарамо лувсо чаразь, коморонь-коморонь кайсить-пёвердить мартост ускозь моданть. Вана истя иестэ иес, пингестэ пингес коморонь-коморонь кайсезь кассь-кепетсь те Маарось. Сакшнось озномо Инешкипазнэнь весе Эрзянь Масторось. Кода нармунтне, олгинень-ол потень кочказь, теить эстест пизэ. истя икелень эрицятне, конат умок-умок кадымизь минек, кепетсть Пазонтень вечкевикс те кайсевксэнть. Теилась, цислась-кирдась корты вейсэндямодо, буетнень ве раськес валовомадо, ютазенть ды неень шканть ютксо сюлмавксго. Кие течи ловсы: зяро ды мезе ёмавтынек минь, течинсетне, ды весе ломантне, те иланть-эрьганть а ванстовомадо, эйсэнзэ ёвтавикс превей мельтнень кадомадо?
Моданть почодомадо мейле, кедте кедьс кундазь озныцятне, «Вирев молян» моронть кунсолозь, эскелить Маардонтъ авасоло келей луганть лангс. Икеле — Озавась. Сон лотки луганть куншкас. Перьканзо, теке мекшть мекшаванть перька, тееви-касы покш эрий спираль. Символ? Виде. Зэмензэ, арсян, чарькодеме а стака. Понавкс, омбоце, колмоце... Спиралесь, окойники, пурнынзе Озаванть, кода мекшть мекшаванть, перька весень. Ней ушодовсь каладомась. Меельцесь арась-теевсь васенцекс. Кедте кедьс кирдезь, прок каргонь прявтонть-ветицянть мельга, сон вети мельганзо — калавты спираленть — аволь пек ватола пандочамантень. Ойсить, кода амфитеатрасо, ваномо ды кунсоломо атянь эземсэ атятнень. Лугалангонь картинась мезе ёновгак а молиця! Кода тюссо, истя молевксэнь аёвтавикс мазычисэяк. Ванат вановлить!
Озномань-покшчинь прявтось-теицясь Кшуманцянь Пиргуж (Г.Д. Мусалёв) терди эземс (сынь аравтовить Мааронть вакссо сэрей таркиненть тёкшкес) лездыцянзо ды инжетнень. Ёвтни раськенек ёжодонзо.Мейле максы вал Эрюш Вежайнень (Ерюшев Бориснэнь, Мурман ёнкс), (Гайнинькань Пичайнень, П. Д. Гавриловнень, Красноярекой край), К.В. Прокаевнснь (Пенза ёнкс), Маризь Кемальнень (Саран ош), А.А. Маловнень (Москов ош). Нуянь Видязнэнь (Саран ош), Ю. Г. Романов ловнызе Карелия Республикань прявтонть С. А. Катанандовонь телеграмманзо. Атянь Эземень коенть прядызе Кирдянонь Миколь [301] (Татарстан). Сон ловнынзе Маризь Кемальнень алтазь стихензэ.
Атянь Эзементь поладызе концерт. Морасть «Норовава», «Вастома», «Эрзянь ава», «Цёковне», «Ламзурь», «Торама», «Келу» ансамблятне, морыцят сакшность Самарань ды Ульяновскоень ёнкстнэстэяк. Г айгсть кезэрень ды неень шкань эрзянь морот. Концертэнть ветясь «Торамонь» теицясь-прявтось Иовлань Оло (Ромашкин В.И.).
Зярс моротне полавтнесть вейкест-вейкест, Теша лейненть чиресэ мольсть лия мелявкст. Тесэ вете покш саргосо пидевсь букань сывельстэ ям — лемень кундамонь ярсамопель.
Ямось анок. Шказо колмоце час. Эрьвась эсензэ пенч-вакан марто юты саргонть ваксс, ды каить тензэ лемень кундамонь ям. Оно, неяви, пиже лугиненть лангсо ве таркас пурнавозь ярсыть «Келунь» морыцятне. Седе тов коршить пси ямнеденть «Вастомань» цёратне, мельгаст Иовлань Олонь «Торамозо». Ды истя — ков а варштат! Мерят, якстерть-ашо чахрат панжовсть луганть ланга.
* * *
Маряви, истямо покш, ламо виень саиця Раськень Озксось ютась, сюкпря прявттнэнень, стакачинь апак сода, шождасто, валанясто, апак рестее. Те ансяк «маряй I»! Кода кирдийтне-власттне «лездасть» седе парсте вельмевтемс ды пачтямс, совавтомс сыцятнень седейс эрзянь келенть ды эрзянь меленть, кортави вана неть сёрматнесэ.
Письмо получено 12 ман 1999 г.
Мусалёву Григорию Дмитриевичу
Предостережение
Уведомляем Бас о том, что проведение Митинга и праздничного мероприятия в с. Чукалы 17 июля 1999 года не санкционировано Главой Республика Мордовия Меркушкиным Н.И. и администрацией Болыиеигнатовского района. В связи с этим проведение этих мероприятий запрещается. В случае нарушения предостережения будут приняты предусмотренные законом меры.
Глава Чукальского сельского совета Куприянов В.Н.
Начальник Болынеигнатовского РОВД подполковник милиции Моисеев А.К.
[302] Письмо № 247 от 8 июня 1999 года. Фонд спасения эрзянского языка им. А.П. Рябова
Е.В. Четвергову
Уважаемый Евгений Владимирович!
Администрация Болыиеигнатовского района рассмотрела Ваше предложение, изложенное в уведомлении от 14 мая 1999 года, и считает проведение в районе данного мероприятия невозможным по следующим причинам:
- во-первых, для такого большого количества гостей в районе невозможно организовить питание из-за отсутствия необходимого количества предприятий общественного питания;
- во-вторых, не в состоянии обеспечить санитарно-бытовыми условиями из-за отсутствия средств;
- в-третьих, невозможно обеспечить размещение людей.
Могут возникнутъ проблемы и с обеспечением общественого порядка.
Глава района В.И. Горячев.
Письмо № 27-99/262 от 06.07.1999 г.
Председателю правления общественного
Фонда спасения эрзянского языка им. А.П. Рябова Четвергову Е.В.
Ваше заявление, поступившее из прокуратуры Республики Мордовия о даче правовой оценки докумснтам, присланных местными органами власти Б.Игнатовского района РМ по поводу проведения 17 июля 1999 года праздника «Раськень Озкс» в с. Чукалы, прокуратурой Б. Игнатвоского района рассмотрено.
Администрацией Б.Игнатовского района и Чукальской сельской администрацией в Ваш адрес направлялись письма с разъяснениями о том, что денежных средств на проведение не имеется, в связи с этим считали невозможным его проведение. В настоящее время принято решение о разрешении проведения данного праздника, однако из-за отсутствия денежных средств финансирование этого мероприятия проводиться не будет.
Прокурор Б. Игнатовского района А.В. Сальников.
[303] Шка, чернилат, кайксэнь колсемат, талномат ютавтозельть аволь аламо. Пшкалинек сонстензэ Н.И. Меркушкиннэньгак. Кода лездасть эрьва кодамо этажсо превейдеяк превей важодицятне, ёвтави пестэ-пес неть колмо реляциятнесэ.
* * *
Вете иень ютазь, 2004-це иестэ, таго Чукалвелесэ, ютавтозель Раськень Озкс омбоцеде. 1999-це иень коряс прявттнэ «сёлтт» эзть сёлтне. Мекевланг, Республикань Прявтось Меркушкин Кармавтомасонзо яволявтызе Раськень Озксонть масторонь Покшчикс. Сонськак сакшнось. Кортась (рузокс, содазь), макснесь казнеть «Руця» пелькстамосонть изницятненень. Васенце Озксонть коряс пурнавкшность зярыяксть седе ламо ломанть, седе ламо ёндо сакшность делегацият. 1999-це иестэ Раськень Штатолонть сталмозель 165 кг, сэрезэль 2 м 10 см., 2004-це иестэ — 300 кг, сэрезэль — 3 м.
* * *
Ютасть сеть астувтовикс вельмевтемань читнеде мейле иетнеде байтяк. Сынст вельде а стака путомс питне те покш, мелень явовтыця уличинтень. Арсекшнынек (эрьвась эйстэнек аламнеде пельтнень ёжова ливтниця, эрьвась моли Дон Кихот ёнов), кемекшнынек: озномань кезэрень лувонть невтезь, верьгеди эрзякс марямонь ёжось, сыргози эрзятнень мелест эрзянь келентень. Озксось карми зяронь-зяронь кувалма нежекс чиремкшнезь молиця, стувтозь-кадозь келенек туртов.
Онстонок неезесь эрямокс эзь велявто. Ойменть идицянзо, пильге лангс стявтыцянзо кавто: эйдень кужотне-школатне ды кулянь сравтнемань виесь, телетне-газетатне. Сынь сокоронтькак панжсызь сельмензэ, кандолазс мадезь аштицянтькак прянзо кепедьсызь. Весе тейсызь, ансяк мерест тенст валдо-покш кабинетэнь прявттнэ. Сынь вана теде а арситькак. Арсемскак а мезть! Раськесь истя резы-сэреди, сонензэ уш мезеяк а эряви, а веши аволь ансяк таблеткат, а веши ярсамскак. Секскак прявттнэнь кармавтомга куш эрьва иестэ ютавтнек Озкс Чить, Фестивальть, Конгресст, лезэ пельдест иля учо. Эрзянь эйдень кужот, эрзянь школат, эрзянь кулянь лисьмапрят — вана кить идицянзо Эрзянь Келенть. Тень кис эряви аштемс ды аштемс пандокс. Апак веше, кияк теть мезеяк а венсти.
[304] 2007-це иестэ кезэрень, Тюштянь пингень модань каямо, Мааронь одкстомтома илась ютавтовсь колмоцеде. Икеле ладсо уш лангозонзо эзинь вано, кодат-бути паро покш полавтовкст келенек уцяскасонзо эзинь учо, кельмесь учомань ёжом.
Ялатеке Раськень Озкстнэ эрзянь келень идема Фондонть паро тевензэ ютксо аштить омбоце таркасо, васень таркасонть, кавтолдомс а савкшны, 1994-це иестэ саезь «Эрзянь Мастор» газетанть нолдамозо. Кода мерекшнесь Ленин, сон аволь ансяк ёвтниця, пропагандист, сон, теде башка, — организатор, перьканзо пурныця.