Эрязденть арсезь (2010)/Нусманя кортамот-арсемат
[322]
| Нусманя кортамот-арсемат |
1990-це иень умарьковонь 3 — 4-це читнестэ ютавтозель эрзянь ды мокшонь «Масторава» вейсэндявксонть Инекужозо. Кодат паро, валдосо мизолдыця валт-мельть ёвтазельть ды кемекстазельть эйсэнзэ! Кодат кемемат ульнесть! Вардань варматне эйстэст таркинеяк эзть кадо. Пувсизь челькинень пес.
Шказо талай чикуншкадо мейлень. Эрзянь келень идема Фондонь нупальнесэнть кавонек: Пиргуж атя, коневонь коряс, ёвтан уш зяроцеде, Мусалёв Г ригорий Дмитриевич, Фондонь прявтось, ды, теке марто, Инязорось — эчке, центнердэ ламо увтиця, муюконь кандтний ломань, ды мон, «ЭМ»-нь покшось, — пельцентнерэнь увтицясь. Чинь тевенек прядовсть. Курок сыргатано кудов. Ледстнетяно «Масторавань» чачома шкадонзо, теицядонзо, «пирявкстнэде», конатнень велькска савсь ютамс, теезь ильведькстнэде, неень аволь «ламбамо», аволь пакшинекс чийниця тевденек.
Чатьмозевинек.
«Вечкить-арась минек атянть марто эсь раськень ломантне?» — совась, уш аволь васенцеде, превзэнь арсемась, ды вешнян эськан каршо мель.
— М-да-а, — сезизе арсемам, кувакасто таргизе рузонь «да»-ть прявтом Пиргуж атя, — кода арсят, зяро кадовить «Эрзянь Масторс» сёрмадстыцянок, лоткиндерятано кармавтомо, чийнеме ды кирдийтнень икеле сюконякшномо, шкань-шкань мартост сёвномо?
— Кода меремс... Сядодо ламо а пурнавить, — ёвтыя мелем.
— Монгак истя, атя, арсян, — прась ве мельс стуворонзо экшсэ [323] аштиця ялгам, — сядонь кис нолдамс газета...
— Ней арсек. 19-це пинге. Кузьма Алексеев. Серьгедсь озномо ниле-вете тёжат эрзят. Састь. Теньгак саик превс: радиот-газетат арасельть, серьгедемс стакаль. Зяро улевельть сёрмадстыцянок се шканть коряс? — поладыя арсемам марямга, пшкадинь Пиргужнэнь.
— Э-э-э, мезде тон кортат?! Се шкастонть эрзятне — эрзяльть. Ней — керсезь кельнулат ды рузонь ойметь, — манкуртт. Империясь — вий, тонсь содат. Кузьманень сакшность озномо, кода мерят, ниле-вете тёжат. Те 19-це пингенть ушодовомсто. Ней, ловт, сядо тёжадо ламо ловновольть газетанть! Апак кармавто. Аха. — Пиргуж прядсь математикань факультет, сеске ловизе.
— Ульнесть тёжа ды пель, те иестэнть — тёжа. Зярс дарманонок сатыть — поладсынек. Эх! Киненьгак а эряви. Истямо газета, истят кулят-материалт, истят арсемат... Дух арась мелест эрзякс кортыцятнень содамс эсь кельдест, историядост, койдест, покштядост-сырькайдест... Мезеяк тенст а эряви. Ме-зе-як! Рузонь газетат, минекенсенть коряс, вадрясто-беряньстэ ловныть, минекенть... «Районкатне» — васень куловтыцянок — ансяк мезе аштить! Ярмакт муевить, шкаяк муить. Кенжинень пес сынь рузонь. Секс муить... — кортазевинь, пеняцинь эрзятнень лангс.
— Те аламо, прявттнэ, тенек лездамонь таркас, — пилыть путнить. Кеман, «ЭМ»-ть каршо путневи «лавкине» — а сёрмадстомс! Кавто вийть вейсэндявсть: удыця эрицятне ды сынст удовтыцяст, — фондонь прявтось варштась вакссонзо вальмаванть ушов ды поладынзе валонзо. — Зяро тонь марто кадовсь тенек лыкамс? Иетне тонь сыре атянь, моньгак аволь одонь. Орматнеяк, теке пинеть, пансить мельганок, кочкарязонок авторить. Поладыцят тенек эрявольть... А муят. Кадовсть ванькс манкуртт.
— Содазь, эрявольть ды косто таргамс? — укстынь, прок эзинь марсеяк, ёвтазь «кулядонть».
— Кинь муят — стякодо... — прянзо нулновтнезь, нусманясто мерсь прявтом.
— Стякодо... Питнедеяк, атя, а муят, — вития Пиргужонь мелензэ, — улевельгак «Эрзянь Масторось» прявттнэнень цяпицякс, рузыявтоманть кис аштицякс, сестэ кортамс а мезть, лемензэ лангскак авольть вано. Сядо муевельть.
— Виде, Видяз леляй! Кияк «виень кирдицятнень» каршо молеме а карми. Ярмактояк... Ламот содыть Несмеянонь ды колоньгеменце иетнестэ «автономисттнэнь» уцяскадост. Кие а соракады не-
[324] — Мезть кортамс, империя. лепштить, — мерсь Кшуманцянь Пиргуж. — Тевенек аволь киштицят _тневиця килькштнеде?
— Видестэ кортат, Инязор. Эрзянь ды рузонь кельтнень содыцят муевить, улить истят, а ванавласттненень сюронь невтницят — чить тол мартояк а муят.
— Мезть кортамс, империя, лепштить. — Пиргуж седе ёнсто путынзе сельмукшонзо судонзо лангс ды варштась та-кодамо конёвнес, мейле поладсь: — тевенек аволь киштицят. Кецнек, зяро а зяро «корреспондентэнек», газетас сёрмадыцянок улить. Теяк паро.
— Те истя. Ансяк Лежиков мезе ашти! — эзинь кирдеве. Капшазь ёвтыя васень фамилиянть. — Журналист — асс. Сонзэ сёрмадовксозонзо кецнезь саевлинзе куш кодамо омбомасторонь газета. Статьянзо пштить, видеть, ванькст — витнемадо кортамскак а мезть. Покшодмасткак газетань. Профессионал, ды кодамо! А стяко зярыя масторонь газетасо важодсь.
— А Толай! — ледстизе, варштась сельмукшонзо верьга лангозон стуворонзо экшстэ Пиргуж. — Оно кода громи империянть!
— Кортамс а мезть! — поладыя ялгань мелензэ. Аволь Толя — Тол... Ськамонзо Самара ёндо. Берянь. 80 — 100 тёжасто — вейке...
— Ха! Мезть тон кортат неть «тёжатнеде»! — раказевсь, керимем Пиргуж. — Коське ойметь... Мумият. Сюкпря Пелевеёнксонтень, Вежайнень.
— Стувтык Киевенть, Ткаченконь ды Ожомасонь Кирдань, — лездынь инязоронтень.
— Эзинь стувто. Иля капша. Истямо келей вановт эрямонть лангс ансяк сынст. Кол Кирда журналистэсь. Мезть кортамс... «Нолси» сёрмадовксонзо ай-ай-ай. «Сезязонь пизэ» а кучи.
Чатьмонезевинек.
Дирнезевсь телефонось.
Саизе почконть (трубканть) од атясь.
— Шумбрат, шумбрат, Вежай! — рангстась, пештизе пурьгинекс зэрниця вайгельсэнзэ нупаленть.
[325] Кортамост нурькинель.
— Мезе, таго «оргкомитетэнть», таго Эрзянь Конгресстэнтъ? — пшкадинь ансяк путызе кортыцясь почконть.
— Эно мезде! — машнетезь мерсь каршон. — Арасть, ломаненек арасть, а кинь марто кундамс те тевентень. Эряволь, содан эряволь теемс те шкас! Кинь марто? Кинь?
— Комсте ламо иеть мартот кедгь-пильгть чавтано. Лезэсь? Газетась уш аволь исяк чачсь. Зяро вийть-превть эйзэнзэ путозь! Промксонь ютавтьщят вана амугано. А! Визькс. Газетаськак эзь тееве ламо ловныця мартокс, — сюморязь пеняцинь ялганень, теке сонзэ чумочись, — тиражозояк...
— Я, тираждо кортат... — кундызе Пиргуж валом. Косто?! Истят пирявкст! Натой пупиця уськеныак стявтнить. Несмеянонь пултыцятне, атя, эзть куло. Сынь ютксонок. Икеле ульнесть ятокс лия раськеть, ней — сынсь эрзятне ятт, вейкест-вейкест «рестыть». Сынь — Московонь _реть. Сынь пиризьгак «ЭМ»-ть кинзэ. Прянь микшницят Эрзянь Масторсо вастневсть чуросто, ней — малав эрьва эрзясь митянзат! Мик пря шны теньсэ.
Мадема пелев шанггыця чипаесь кецнезь варштась сэрей-келей панжадо вальмаванть, валдомгавтызе вишкине, а козонь путнемс кнпганокак. нупаленть. Налонзо кувтолк палызь стенатнева понгавтнезь картинатнень, эрзянь ине ломантнень портретэст.
— Мельсэть, зяролннек 1990-це иестэ «Мастораванть» теемстэ? — макссь лия кевкстема Фондонь прявтось аволь куватень чатьмонемадо мейле.
— Кода эно! Малав эрьвась «вельмевтицяль». Рангсть — чов кургстост лиссь! Эцесть микрофононтень теке танкат. Ней вана — тон ды мон. Ну, кадык перьканок кеменьшка! Мезе те? — топавтыя кевкстницянть мелензэ.
— Вейксэньгеменце иенсетне, ялгакай, арсесть: эрзянь келенть ванстоманзо кис кармз ггь понгавтнемс кирьгаваст лаврань каштазт. У чость олячинть кандсызь тенст ашо тодовне лангсо. Бабань пеште! Эсь раськеть кис аштемга, лаврань таркас понгавтнить кирьгас овтоумарьксэнь каштазт. Вана кода! — псилгалесь Пиргуж атя.
— Минек эряволь кедь лангсо кандтнемс... — венстия келем, каинь трокс вал.
— Ха! Тон оно мезде! Тон, атя, ванан, сырнеме кармить... — каявсь лангозон тень каршо.
— Каня а истя? — эзинь максо пря. — Мекс а кандтнемс?
— Мезе виде — виде. «Вечкевикс» государстванок вестькак эзь нолда ковкерькс эрзянь кельсэ. Фондось — зяроце ие уш! Нолдынек Орест Ткаченконь «Письма далёкого друга» книганзо. Текекс «ЭМ»-сь, — ушодынь мон сурон менчеме, — лездась ливтемс валдос тонь «Эрзянь Масторонть седейсэ» пусмот, Шарононь Сандрань «Мастораванзо».
— А Озкстнэ... — путсь вал кунсолыцясь кортамозон.
— Мезть кортамс! Ансяк комсь Велень Озкст ютавтыть эсеть велесэ. Нилексть — Раськень Озкст. Весе, пежеть а ули прям шнаса, эсенек вийсэ, весе питневтеме. Алкукс эрявлинек кедь лангсо кандтнемс. Тень кис... милицияс сайнемат!
— Тон аламнеде, «редактор ялгай», тагояк мерян, — эйкакшат. Ютавтневлитькак истя келейстэ кодамояк «День строителей Россия», седеяк «День России» — кандтневлидизь. А кавтолдан. Ней вана... Каня а содат, мезе тейсть Алексеень Кузьма марто, таго ледстяса, Озксонзо кис! Кецнек, зярс мода ланга якат.
— Мезе виде — виде. Важодевлинекак, кода ней тонь марто, питнень-мезень апак кевкстне Рузонь масторонть лангс, эли «оёвавлинек» Госдумасо Жириновский марто вейсэ «за русский народ», умок эрявлинек люкс-квартирасо, ардтневлинек «иномаркасо». Секень вант, мештьсэнек цитневель «Герой России» эли кодамояк «За заслуги» орденэсь. Ней вана... «экстремист» валонть ловт шнамо валокс.
Стинь таркастон. Арынь келей-сэрей вальманть каршо. Кудонок каршо путови библиотекантень «педявкс», пристрой. Сон уш, ловт, стявтозь. Мазый, покш, вейксэ этажт эйсэнзэ. «Кармить-арась кемень-комсешка иень ютазь ловномост эрзякс сёрмадозь книган?» — ожосто, таркань-таркань ашосто артозь вейксэ этажтнень лангс ванозь кивчкадсь пряван арсемась.
Ютынь стуворонть экшс, озынь ды поладынь Дригань, кода ламот мерить Мусалёвнень, арсеманзо:
— Изницятне, атя, а сялдовить. А судявить. Сынь судить. Мезе мелест, сень теть судить. Ды свал «видеть». Кить церькованть «святоензэ»? Нузякс, вирьсэ лужалиця Саровскоень кондят монахт, верень валыцят, царть-маршалт. Варчик, мерть лиякс.
— ... Ушаков, Николай Инязорось, — ёвтась ламотнестэ кавто [327] лемть «од атясь» Пиргуж.
— Истя, истя. Теке П-Николаесь верь валсь! Верев кизэ таргавсь Белоруссиясто Порт-Артурс. Ней — ... святой. Ловажанзо усксить масторонь келес. А кемевияк. Судить азё, кортавтыть изницятнень!
— Минь чинек-венек стякодо важодтяно... — Стясь стуворонзо чирес, теке трибуна экшс, ялгам. — Пазонь тев тейтяно, миненек — пансемат. Минь, минь «святойтне»! Кадык изницятне лиякс ловить. Сынст превсэ вейке — «экстремист» ды весе. Лия мезеяк а содыть. Империя... мезть кортамс.
— Видькстан, атя, — прям чатавтозь меринь Пиргужнэнь, — совсить превезэнь истят мельтькак: ахолдамо минек тевтнень лангс ды каштлангс. Лембе таркинес. «Покоя сердце» просит...» — кода мерсь поэтэсь. Саты майсевемс. Визькс тень эрси неть мельтнеде, ды ков молят. Аламо, вельть аламо чарькодицянок! Седеяк аламо мельганок молицятнеде. Секс сакшньггькак тень истят мельть. Иетнеяк, видькстама, лепштить...
— Кадован ськамон, мон теть а весть мернинь, — нусманясто пшкадсь каршон Пиргуж атя, — ськамон... Кадык, кадык! Мон, кода Алексеень Кузьма, карман кандомо эрзянь канстонть куломазон... Кадык манкуртгнэнь, нигилисттнэнь кис, ялатеке сонзэ а каяса.
— Каня алкукс пе? Вай, тандадан мик те мельденть! Туи эрямостонть истямо мазый, покш культура, туить аулемас эрзятне, раськесь.
— Саты теде! — машнетезь мерсь Пиргуж. — Зярс пильге лангсан, зярс токны седеем, ким ютаса пезэнзэ.
Тень эйсэ прядовсь аволь элякалиця, аволь кенярксонь раштыця кортамонок.
Лисинек. Пекстынек 113 номер нупаленть кенкшензэ ды сыргинек кудов, вейкенень ардома ошонть ве пев, омбоценень — лияв.
Кемть, Инязор, минек кенкшенть вакссо стенантень, эли кенкшенть вельксс, понгавтыть, сы шка, мазыйстэ сёрмадозь плита: «Тесэ, 1994—2014 иетнестэ важодсть Эрзянь келень идема Фондось ды «Эрзянь Мастор» газетась», тесэ эрясть Нуянь Видяз ды Кшуманцянь Пиргуж».