Эрязденть арсезь (2010)/Истятолинек
| ←Диамат Сура чиресэ | Эрязденть арсезь (2010) by , edited by Разгуляева Т. В. Истятолинек |
Валонь вий→ |
| Нуянь Видяз. Эрязденть арсезь: ёвтнеминестэ пурназь покш ёвтнема. — Саранск, 2010. — с. 247—250 |
[247]
| Истятолинек |
... Экзаментнэ удалот. Течи таргочи. Ванды — практика. Васенцесь — ботаникань. Сайсамизь, содан, вирьга-укшторга ды лейчирева лытамо, тикшень-балягань кочкамо, гербариень пурнамо. Те — ванды, а течи...
Сурань «портс» пурнавинек кеветеешканок. Кавто группасто цёрат ды тейтерть. Тестэ, зяро-бути питнень пандозь, сайневить Сурава укшномс венчть-милеть. Саинек миньгак. Кавто.
[248] Кижапкин Ванянь кавалало гармония, Гера Шемагонов кирди стака горобия — баян. Састь, мусть шка. Москвин Саша, Кулавский Коля, пшти кель Большаков Женя. Нпкольск ошонь эрзясь Архипов Вася, сырнень кирьгапаресь Шурупов Коля... Каня весе ледстявить? Тейтертнеде седе ламо: Макарова Зина, Павлова Рая, Невкина Поля, Грязева Валя, Неклюдова Нина, Белова Валя, Назарова Лида, Лемайкина Валя...
Пеедькшнезь-раксезь, валсо пупсезь, ойсинек венчтнес. Эрьва венчс кавто цёрат — миледицят. Тонгинек милетнень венч пилетнес ды аламонь-аламонь ушодынек миледеме. Лисинек леенть куншкас.
Ахунась, косо минек институтось, аволь алкуксонь Сура чиресэ. Тия Сурась чуди-а чуди, сеске а чарькодьсак, умонь-умонь. сыре чудильмаванзо. Моронть коряс — «движется и не движется». Теине-кувака эрьке ёнов моли. Саинек мель валгомс алов. Уйтяно. Ютынек «сыренть» трокс таргазь сэрей-покш чувтонь сэденть алга. Ахунась кадовсь удалов. Икеле венчстэнть каятотсь Кижапкин Ванянь гармониянть вайгелезэ. Мелодиянть автордызь, теке учость, тейтертне. Леесь, пижесэ копачазь-викшнезь чирензэ пешкедсть жойниця гайтте:
Над широкой рекой |
Морызь моронть васенце пельксэнзэ, омбоценть. Теевсь општ. Ваня лоткась седямодо ды пеедькшнезь яволявтсь:
— «У рябины» моронть, конань серьгедьсынек, сёрмадызе, оят-ялгат, Новиков композиторось, — ёвтынзе парсте марямга, теке концертэнь ветиця, ды ушодызе моронть, саизь, автордызь мельганзо лиятне:
Я хочу, чтобы ты |
Удало венчсэнть эсест концерт. Тосо музыкань «капитанось» Гера. Сон «моравты» баянсонзо «Снова замерло всё до рассвета» ламонень вечкевикс моронть. Поладызь сонзэ, марян, лиясо — ламо вайгельсэ, тейтерть-цёрат, серьгедизь «Ой, цветёт кадиланть».
— Саты, тейтерть-горниповт! — ансяк прядовсь «калинась», [249] серьгедсь Большаков Женя. — Максодо вал моненьгак!
Сон ды Шурупчик, кода мертяно Шурупов Колянень, стясть, арасть миледицятнень удалов ды, прок покш концертсэ, теке алкуксонь солистт, кавто вайгельсэ серьгедизь вечкевикс морост:
На тропе, что ведёт к Дунаю, |
Ойметь витеви морамодост, мазыйстэ, атят-сэрдят, морыть!
Кавто ёнга — вирь. Морось ды веденть марто милетнень нурькине, сезневиця кортамост колсить сэтьмечинть. Кунсолыть моронть тумотне, рацяня ламарькстнэ, чевте седей пекшетне. Каль куракштне нолдызь тусто пиже черест ведентень. Шлить эли, паряк, истя симемаст явавтыть?
— Оймсема шка! — серьгедсь Назарова Лида комсоргонок, чова рунгине, лов ашо черь тейтересь.
Здок! Венч нересь эшкевсь вандора лейчирентень. Ваксозонзо стясь-арась омбоцесь. Пеедькшнезь-згилязь, вейке-вейкенень лездазь, чалгинек калгодо, а лымбиця чуваров мода лангс. Лисинек, аволь ламо ютазь, келей, чинь валдодонть ды ламо тюссо панжовиця балягатнеде сеериця кужос. Перьканок чувтот, пешкс ды индерь курот. Ванат вановлить! Паро! А коштось, а коштось... медярво, симат симевлить, лексят лексевлить!
Тейтертне моразь, сэтьместэ, вайгелень апак нолда вередемсть чахрань-тикшень кочкамо, каштазонь кодамо. Кочкить, сынсь салава, ансяк маряст вейкест-вейкест, морыть. Цёратне чарыть-велить перькаст, лездыть...
Ой, цветёт калина в поле у ручья. |
Тундонь чахратне-балягатне кунсолыть, сорк а теить, тейтертнень лейнекс чудиця вайгелест, моронть лувонзо-мотивензэ. Опамсь «калинась», ушодсть, таго вайгелень «кирдезь», лия.
Под городом Горьким, | |
| [250] | Навек полюбила, |
— Саты течис! Сыргатано мекев, — серьгедсь кармавтозь Кижапкин Ваня. Морось сезевсь. Кортнезь, пеедькшнезь сыргинек аламонь-аламонь самстонок келязь яннэванть кадозь «пароход онок» ёнов... Эрьва тейтеренть прясо эрий, узьказсто-мейстэ, укшторонь лопасто кодазь каштаз.
... Милетнень лангс нежедезь, вейкень-вейкень полавтнезь, шкань ютазь совинек, прок морява алкуксонь яксицят, Ахунань «портс».
Те эрьгела, седеень витиця уйкшнемадонок мейле таргонь перть кевкстнинек вейкенек-вейкенек: ютасть-эзть кедькоморсо пуворькстнэ милетнеде, сэредить-а сэредить кедтне?
* * *
— Саты теть, Видяз покштяй, ёвкст ёвтнемс! Арсят, кеман? Тунь а кеман! Уйкшниде-яксиде, ды тейтерь марто, петяк, цяркавтомо? Э-э, атя, пенгедят! Истя а эрси, — марян, кайсети пилесэнь седе одтнэстэ ловныцянь, муевиндеряй истямось, вайгель. Сави меремс: валонзо видеть. Ней. псльпингень ютазь, истямонтень а кемеват. Виресь, леесь, од шкась, эрямось, малав весе неяви, ризкс сайтянзат, сонзэ, рюмканть, пачка ванозь.