Эрязденть арсезь (2010)/Вастома
[200]
| ОРДАНЬБУЕСЬ — МОНЬ ЛАВСЕМ |
| Вастома |
Шка... Кода ды кие эйстэть ансяк эзь сёрмадо, эзь корта! Паряк, тон уляткак Пазось? А стяко, маряви, мокшотне мерить теть Шкай. Тон тейнят ломантнень, чувттнэнь, лейтнень, тешттнень марто аёвтавикс тамашань тевть. Иисусонь «дюниянзо» сынст ваксос малавг ак а путовить. Тон чачтат-раштат, тон куловтат, тон, Шка, кецнсвтнят ды нуваргавтнят... Тондеть виев, превей ды видечинь кирдиця Каргонь Кисэнть, перьканзо менель паксятнесэ кияк ды мезеяк арась. Пелькстамот, превс путомат ды каршо молемат а содат. Теветь теят ансяк эсетекс, киньгак апак кевкстне ды каштмолезь. Вейкесь теть а тееви: эскельдямс ютазь читнес ды вельмевтемс кулозенть.
Каня Тон, Шка, аволь Паз?
...Отяжелень станциясто минек ёнов ардыця машинасо чикуншка малава пачкодинь Дубинькас. Вастымим Коля ялаксом. Сеске тень эзь кемевеяк. Каня те сон? Косто сась тензэ цёрань эчке вайгелесь? Туемстэнь ульнесь тейтернень, сиякс гайттщяль. ней вана... Кода весс полавтови! Колянь пилысэ, кизэнь ш шть лангс апак вано, кедень, дёготьсэ ваднезь кумажа видьга кемть. Эйсэст неяви тень седеяк сэреекс. «Го-го-го...» — гогорды мартон алкине вайгельсэ. Иеде теде икеле ульнесь пря киське ёжова, «штапосто» наразь ашо пряды цийниця вайгель цёрыне, ней — цёра! А мезть вайкстнемс. Шкась, сельгеме а кенерят, зяро-мезе касты-кепеди, тесэ, вантака, — ие. Кемгавтово ковт, ламо-мезе полавтыде.
Коля сась лишмесэ.
Теке мерят кемень иеть араселинь ды ускинь улав эрьметь! «Кандозьгак кодаяк пачтявлинек канстон, изнявлинек ниле вайгельпетнень» — юв-яв ютась пряван. Лиссь — сась лишмесэ. Эно паро. Кода а кода — колмо канстт: фанерасто теезь велень горобия, конань марто сакшнынь Бакув, од, цивтёркай панжома марто ошонь покш чемодан ды тыц пешксе стака юдма. Бояр! Букварьсэ [201] сёрмадовксонть коряс: «Пастухсто — лётчикекс». Пеедькшнек-иля лётчикенть кувалма, мурдынь чачома велев аволь карькскесэ сюлмазь ташто колошасо ды аволь кедьсэ стазь панарнэсэяк.
Ютась пельчасто ламо. «Тр-р-р!» — Коля лоткавтызе ускицянок, тюжа пона лишменть, кузтемпенек икелев ды эрязасто валгсь крандазстонть. Мон мельганзо.
«Шумбрат, чачома кудом! Шумбрат, лавсем!
Тонь ниле стенат ютксо васенцеде мария коштонть танстензэ, васенцеде ёвтыя «авай» валонть, тонь латот ало тонавтнинь стядо аштеме, якамо, кортамо, мизолдомо. Тезэнь сакшнось «окопсто» тетям, тестэ саизь тов, косто уш эзь велявто...» — кузтемпень кенкшенть панжомсто, кудыкелев совамсто, нармунень кесаккекс ютасть ледстнематне умонь ды теке марто прок исень шкатнеде.
Кудосот весе: авам, кавто патян, Веруш сазорнэм. «Вант очко нардавксонть лангс, тейтернестэ кассь тейтерькс!» — сазорнэнь неезь, тешкстыя эськан. Эрьванть кутмордыя-палыя. Авань, ванан, польдерь-польдерь тусть, паряк, ламо иень перть васенцеде, кенярксов сельведензэ.
— Вай, вай, теке пинге араселить! Паро, пачкодить, — кортазевсь неемстэнь. Неявсь, эзь кемеве тензэ — велявтынь шумбрасто-парсте. — Кода тосо сырепатянк? Кода Федолия патям?
Ютынь канстон ваксос.
— На, авай, кирдть! — меринь чемоданстон таргазь коцташконть максомсто. — Тонеть платиякс!
— Вай, цёрам... — эзь сода мезе меремскак, талакадсь авам, ваннось-вадяшась сурсонзо чова коцтонть.
— Кирдть, пати! — венстинь покш патянень мазый покш шаль.
Сон сеске каизе казненть лавтовонзо ланга ды ютась стенас понгавтозь, умок-умок тетянь рамавт чавачамонть икелев.
Веженсь патянень ды Верушнэнь казинь якстере балягасо артозь, валаня, теке парсей, ковтакс-мезекс штапель.
— Вай, кодамо мазый, вай, кодамо нардев! — кецнезь вайкстнесть сынь неезденть. — Истят тесэ а микшнитькак!
Эзия стувто Коляньгак. Казинь тензэ фотографиянь туртов эсень теевть, мазыйстэ, лаксо вельтязь кундо.
Меельцекс горобиястон таргинь «ашо гулькан».
— Авай, сырепатям, некак, эрьва чистэ ледстнесь тонь ды Орданьбуенть. «Куш кувалманзо ютамс, озамс вальмалонок [202] чевте лугиненть лангс», — яла мернесь ризнэзь. Неть котатнень рамамсто кармавтсь: «Мон, цёрам, тестэ зярдояк уш а менян, чачома масторов а понган. Тесэ кулан. Тон монь таркас якак, цёрам, неть котынетнесэ пиже луга ланга ды ледстнек монь».
— Мезе виде — видс. патянь неемс уш а сави, седеем мари, — «гулькатнень» ванномсто нусманясто мерсь авам.
Лисинь пирев.
Вана войнадо икеле тетянь теевть таштыне утомнесь. Ванстовсть эйсэнзэ мекш мельга якамонь эрьва кодат кедьёнкстнэ, икелензэ «магазинтнэ» ды нешктне. Кизэнь шкава тесэ удсиньгак. Тетям, тетям путокшнызе! Те кудынесэнть Бакув туемадон икеле ловнынь, анокстынь театрань инспггутс: тонавтнинь стихть, баснят, проза, анокстынь этюдт. Ней те весе кадовсь удалов.
Утомненть удало. Кирданов лейненть ёно. учось эйсэнь рацяня ламарь чувтось. «Шумбрат, ялгинем!» Кенерезь лёмзёрдонзо «клюкилинь», пештилинь пекем келем-кургом раужкадомс. Лия таркас эзь ара чувтонть ало покш, теке ашназа покш туво, кевеськак. Ламоксть озадо аштекшнинь лангсонзо, кедьсэнь кшна марто кунсолокшнынь цёковонь панжиковонь морот. Ютасть сеть шкатне. Ютасть, кода ютнить ашосо копачазь шканзо велькссэнзэ раськсиця ламарьксэнть...
Киланго. Стомавинь. Мадинь, ансяк чопотетсь, тетянь пельде казнекс кадовикс утомнентень-кавнентень.
...Чопода-чопода, сельмс нерьгстак — анеят. Косто-бути алдо, прок моданть потсто, пачколить тандавтниця ачарькодевикс вайгельть. Пинень а пинень, ломань ёновгак а молить, «Авай, авай!» — путан вий рангстамс. А рангставан. Кургом а панжови. Теке потомдазь. «Нолдамизь тестэ!» — окойники серьгедевинь, прок потомкс лиссь кирьгапарьстэнь. «Кудов нолдамизь, кудов мелем пачкодемс!» — чольдердезь прасть кельпрястон валтнэ. Кияк а мари. Та-кодамо вий нежедсь мештезэнь. Лепшти, лепшти...
Даволкс, содсо лексиця-ардыця машинат. Кежде пешксе, покш. теке букань, вардонь сельмть. Пряст лангсо, пильгсэст петниця яга__цят. «Кудов, кудов, чачома масторов!» — ранган весе вийсэнь.
Сыргозинь. Панжинь сельмень. Штавтыя вельксэм...
«Мезде те онось? — арсезевинь потолоконтень ванозь ды сынь мельс: — Чачома мастордон, конадонть вадря косояк арась».
Пельспанжадо кенкшканть совась ку дынезэнь од чинь валскесь.