Эрзянь Мастор/2011/12/Мизолкс
| ←Эрзяне 21 века | Эрзянь Мастор, № 12 (356), 24 июня 2011 edited by Нуянь Видяз, Кшуманцянь Пиргуж Мизолкс |
Прявтлопа→ |
| Статья на сайте газеты: № 356, 24.06.2011, Мизолкс |
| Мизолкс |
Стадань новолема ланга, зярдо Минькань ансяк озавтызь ужинамо, ушосто марязевсть ачарькодевикс бувномат: був-вув-вув-вув, був-вув-вув-вув… Теке телевизорсто неевть стака бомбовоз ливти, почания, война эзь кепеди? — тени цёркась ды вармакс ливти вальмантень.
Вансы, скалост мельга педясь велень букаст: никсесы Зорькань пулалксонзо, веляськавтсынзе судоварянзо ды бувнозеви апаро вайгельсэ. Минька пелезевсь, нать, скалост кисэ — чей, букась а лазсы? Пижни аванстэнь:
— Авай, онока, онока! Те мезть истя Митёв быкась тейни?
Авазо варштась вальмава, мери:
— Иля мелявто, цёрынем. Кортыть, Митёв ваньксчинь вечкиця букинесь-ванны, нардызе-арась Зорьканок пулалксонзо венелев якамодо мейле.
Минька яла вансы. Те шкане тетязо панжизе кардаз кенкшенть. Зорькань нолдызе потмов, а букантень невтизе мокшнанзо, мезть-каня тензэ мерсь. Тонась кежейстэ аволдась прясонзо, амельсэ пурдась кенкшенть эйстэ ды апак капша лыказевсь Миньканень кудост икельга ютыця лия скалтнэнь пелев.
Ужинамодо мейле ушов лисемстэ Минька кевкстни:
— Авай, тон а содат, венельсэнек туалетэнь конёв кадовсь?
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |