Эрзянь Мастор/2011/09/Тия якась Эрзянь келень чись!/Вана мезде кортась те Чистэнть Инязорось Пиргуж

←Тия якась Эрзянь келень чись!/Таллинн

Эрзянь Мастор, № 9 (353), 16 мая 2011 edited by Нуянь Видяз, Кшуманцянь Пиргуж Тия якась Эрзянь келень чись! Вана мезде кортась те Чистэнть Инязорось Пиргуж by Кшуманцянь Пиргуж

Подписка "Эрзянь Мастор"→

Статья на сайте газеты: № 353, 16.05.2011, Тия якась Эрзянь келень чись!

 

––––––––––––––––––––––––––––––––––––––––––––

Вана мезде кортась те Чистэнть Инязорось Пиргуж

 

*  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *

Шумбратадо, Украинасо эриця вечкевикс эрзят, ялгат! Паро мельсэ арсян течи пазонь чансть, парсте тешкстамс Эрзянь келень чинть.

Покш чи марто, эрзят! Улезэ течинь чись Инечикс, кецнемакс, эрямонк перть ледстнемакс. Кадык эрьва эрзясь, косо илязо эря, кода минек иляст лемдя, эсь прянзо марязо эрзякс, кода эсь пряст марясть покштянок-сырькаенек. Эрзякс лементь максызе тенек Инешки пазось. Кирдеде сонзэ кувалма каштанчи, эскелядо эрямонь киванк прянь кепедезь.

Истя улезэ Пингеде пингес! Эрзя раськентень эрямо! Паз, чангодть!

Кеман, течи ледстясынк Ине эрзятнень лемест, кинь кувалма кепедтяно эрзянь коронть, ды вейке минутасо чатьмонезь ёвтадо эсь пачканк сюкпря сыненст: Тюштянень, Пургазнэнь, Алабуганень, Акай Боляйнень, Баюш Разгильдяевнень, Кузьма Алексеевнень, Эрзямасонь Олёнанень, Степан Эрьзянень, Яков Кулдыркаевнень, Артур Моронень, Серафима Люлякинанень, Дмитрий Надькиннэнь, Ромашкин Олонень ды лия эрзятненень.

Кеман, Украинасо эриця эрзятне, а пратадо визьксчамас. Кадодо те Масторонтень неявикс паро челькс, улиде мелень ваныцякс украинань раськентень.

Эрьва эрзясь эрязо эсь раськензэ превсэ, важодезэ эрзянь тевсэ, кортазо эрзякс.

Эряст Пургасонь раськень коцт ало — кадовост лемензэ ало ушмокс.

Эрзятненень эрямо, эрямо, эрямо!

Сюкпря весенень, вечкевикс ялгат!

Кшуманцянь Пиргуж Инязоронк

Саран ош, 21.04.2011