Эрзянь Мастор/2011/09/Ансяк истя, Саша!

←Васолдо ванозь неяви седеяк!

Эрзянь Мастор, № 9 (353), 16 мая 2011 edited by Нуянь Видяз, Кшуманцянь Пиргуж Ансяк истя, Саша!

Встреча с днями минувшими ...→

Статья на сайте газеты: № 353, 16.05.2011, Ансяк истя, Саша!

 

Ансяк истя, Саша!

Чадыковонь 11-це чистэ саезь 15-це чис Московсо Ломоносов М.В. лемсэ университетсэ ютась студентэнь ды аспирантонь XVIII Международной конференциясь «Ломоносов-2011», кона пурнась 30000 ламо од ломанть СНГ-стэ ды Европасто. Н. П. Огарёвонь лемсэ университетстэ филологиянь факультетэнь эрзянь отделениянь 5-це курсонь студентэсь Данильчев Александр тейсь яволявтома: «А. П. Рябовонь «Эрзянь-рузонь валкскезэ» ды «Рузонь-эрзянь валксозо»» «Филология» секциясонть («Финнэнь-угрань языкознания» алце секциясонть). Данильчев Александр, Жаткина Марина (Мордовия) ды Бичагова Марина (Москов) ульнесть тешкстазь шнамонь конёвсо весемеде вадря ёвтамост кисэ. Те иестэнть «Филология» секцияс максозельть 785 важодемат. Филологиянь факультетэсь понгсь васенце вете факультетнэнь юткс ды уш аволь васенце ие ловови весемеде эрявикс гуманитарной факультетэкс. Весемезэ невтезь 135 университетт ды наукань институтт. Ульнесть студентт ды тонавтыцят Испаниясто, Великобританиясто, Латвиясто, Литвасто, Польшасто, Германиясто, Ирансто, Словениясто

Чадыковонь 20-це чистэ Удмуртонь университетсэ ютась студентэнь XXXIX Международной конференция, косо ваннозельть келень, литературоведениянь, фольклористикань, лия кельстэ ютавтомань ды ВУЗ-со тонавтомань методикань кевкстематне.

Конференциясонть важодсть секциятне:

1) Эрьва кодамо раськень литература;

2) Фольклор, этнография: койтне-кирдатне ды неень шкась;

3) Лингвистикань единицатнень карадо-каршонь анализэсь ды ютавтомань стакачитне;

4) Неень шкань тонавтомань технологиятне;

5) Лингвистикань неень шкань стакачитне.

Н. П. Огарёвонь лемсэ университетстэ филологиянь факультетэнь эрзянь отделениянь 5-це курсонь студентэсь Данильчев Александр ёвтнесь «Иван Захарович Антоновонь вишка жанрань прозасо художественной башка ёнкстнэ» «Национальной литература» секциясонть. Сонензэ максозель I степенень диплом.

Аволь умок Александр кармась Д. А. Медведев — Россиянь прявтонть стипендиатокс.

Свал кирдть истя, Саша!