Эрзянь Мастор/2009/08/Эрзянь келень Чи Саран ошсо

From Wikisource
Jump to navigation Jump to search
Эрзянь Мастор, № 8 (304), 27 апреля 2009 edited by Нуянь Видяз, Кшуманцянь Пиргуж
Эрзянь келень Чи Саран ошсо
Статья на сайте газеты: № 304, 27.04.2009, Эрзянь келень Чи Саран ошсо
 
Эрзянь келень Чи Саран ошсо

2009 иень чадыковонь 16-це чистэ 14 чассо Сарансо 17-де тешкстазель Эрзянь келень Чись. Кода свал панжинек штатолонь кирвазтемань койсэнть. «Торама» ансамблясь лиссь сеске кирвазтемадо мейле «Тюштядо» моронть моразь.

Васенце пелькссэнть яволявтозельть Рябов лемсэ казненть Лауреатонзо:

1) Малов Александр Андреевич, неень московонь «Эрзянь вайгель» вейсэндявксонть васенце ушодыцязо ды прявтозо (куломадо мейле). Сонзэ Лауреатонь дипломось максови ванстомс Московонь «Эрзянь вайгель» вейсэндявксонтень. Казнесь (эрзянь панар) максозь Йовлань Олонь лемсэ «Этно-кудонтень».

2) Ткаченко Орест Борисович, Украинань наукань академиянь член-корреспондент, доктор филолог.наук, «Письма далекого друга» книганть авторозо. Теде мейле вал кирдсь Эрзянь келень идема Фондонть прявтось Кшуманцянь Пиргуж. Сон ёвтнизе, кодат тевть тейсь Фондось 2008 иенть перть. Кочказель ветямкуро, эйзэнзэ совасть 7 ломанть, конатнень кис максызь вайгелест весе сакшныцятне. Таго Фондонть прявтокс пурназель Кшуманцянь Пиргуж (Мусалев Г.Д.). Икеле иетнень ладсо путозельть хризантемань пусмот калмо лангс: Йовлань Олонь, Ефимовонь И.А., Надькиннэнь Д.Т., Евсевьевень М.Е.,

меельцекс путозельть балягат (цецят) Эрьзянь Степанонь памятникензэ икелев ды ютавтозелть а покшке кортнемат.

Кодат ансяк пирявкст эзть аравтне мордватне! Савсь кувать вешнемс зал. Эрьва косто, эрьва ёндо каршо валось текель: «закрыт на ремонт». Ансяк 8-цеде «окойники» муевсь тенек тарка.


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.