Эрзянь Мастор/2006/23/Чачома чи марто, Татьяна Михайловна!
| ←Большой бал на Советcкой | Эрзянь Мастор, № 23 (247), 12 декабря 2006 edited by Нуянь Видяз, Кшуманцянь Пиргуж Чачома чи марто, Татьяна Михайловна! |
Опрос участников семинара→ |
| Статья на сайте газеты: № 247, 12.12.2006, Чачома чи марто, Татьяна Михайловна! |
| Чачома чи марто, Татьяна Михайловна! |
Т. М. Ковалева чачсь 1936 иень ацамковонь 13 чистэ Мордовиянь Отяжбуень Тарасбуе велесэ. 1960 иестэ прядызе Мордовиянь университетэнть. 1960-1992 иетнестэ — «Эрзянь правда» газетань литсотрулдник, сёрмань, пропагандань ды агитациянь куронь прявт, редакторонь полавтыця. 1993 иестэ саезь «Сятко» журналонь редакторонь полавтыця. 37 иеть журналистэкс улемстэ сермадсь ламо-ламо домка материалт Республикань газетатнес, журналтнес, книгань пусмотнес. Сермадсь статьят: Г. Г. Вдовин композитордонть, Степан Эрьзя скульптордонть, М. М. Попович лётчицадонть, А. М. Лобанов строительденть ды лиятнеде. Мордовиянь культурань ды хозяйствань тевтнеде публикациянзо кис 1972 ды 1981 иетнестэ максневсь тензэ журналистэнь сюлмавксонть пельде Казне. Седе мейле казезель ВДНх-нь бронзань медальсэ.
Т. М. Ковалева МАССР-нь культурань Заслуженной важодиця (1986), Россиянь журналистэнь ютксо Сюлмавксонь ломань.
Татьяна Михайловна, сюкпря тензэ, яви мель эрзянь келень идема тевентень, свал лезды седе парсте, седе мазыйстэ ютавтомс эрзянь келень Чинть, те эли тона промксонть ды лия тевтнень, нейгак печатавить статьянзо, тешксэнзэ «Эрзянь Мастор» ды лия газетатнесэ, журналтнесэ.
Татьяна Михайловна! Чачома чить марто ды свал-свал арсетяно теть шумбрачи ды истя жо канстонь апак маря, сиземань апак сода лездамс эрзянь келень идема тевентень. Келей ки теть, эрзянь ава, иера молема чамас пувиця варманть каршо!
«ЭМ»-нь ловныцятне ды теицятне, эрзянь келень идема Фондось
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |