Эрзянь Мастор/2005/23/Ацамковонь 14-це чистэ Мария Романовна Биушкинань чачома чизэ!

From Wikisource
Jump to navigation Jump to search
Эрзянь Мастор, № 23 (223), 8 декабря 2005 edited by Нуянь Видяз, Кшуманцянь Пиргуж
Ацамковонь 14-це чистэ Мария Романовна Биушкинань чачома чизэ!
Статья на сайте газеты: № 223, 08.12.2005, Ацамковонь 14-це чистэ Мария Романовна Биушкинань чачома чизэ!
 
Ацамковонь 14-це чистэ Мария Романовна Биушкинань чачома чизэ!

М. Р. Биушкина чачсь 1925 иень ацамковонь 14-це чистэ неень Мордовия Республикань Дубинькань буень Морга велесэ. 1955 иестэ прядызе Саранонь А. И. Полежаев лемсэ педагогикань институтонть. 1957-62 иетнестэ важодсь тонавтыцянь тонавтома Институтсо методистэкс. 1962-70 иетнестэ — Саранонь телевидениянь студиясо эйкакшонь редакциясо редактор. 1971-84 иетнестэ важоди Башкортостансо, Стерлитамаконь, ды Украинасо педагогикань институсо. Вешнемань-муемань (исследованиянь) темазо: «Билингвизматне эрзянь ды рузонь кельтнесэ». Филологиянь кандидатось М. Р. Биушкина сермадсь зярыя тонавтнемань, ёвтнемань ды эйкакшонь туртов пьесань книгат, путсь ды путы ламо вийть эрзянь келень идема тевентень.

Мельвановикс Мария Романовна!

Чачома чить марто арсетяно Теть шумбрачи, седе ламо кеняркст, нардевстэ кирдемс «Эрзянь Мастор» марто сюлмавкстнэнь, аштемс эрзянь келенть кисэ истя жо кеместэ, кода аштить свал.

«Эрзянь Мастор» газетань теицятне ды ловныцятне


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.