Эрзянь Мастор/2004/24/Чачома чи марто, Павел Кириллович!
| ←Прявтлопа | Эрзянь Мастор, № 24 (199), 17 декабря 2004 редактор Нуянь Видяз, Кшуманцянь Пиргуж Чачома чи марто, Павел Кириллович! |
Каннибалы. На примере подписки на "ЭМ" в Дубёнках→ |
| Статья на сайте газеты: № 199, 17.12.2004, Чачома чи марто, Павел Кириллович! |
| Чачома чи марто, Павел Кириллович! |
Поэтэсь П. К. Любаев чачсь 1919 иень ацамковонь 24-це чистэ неень Нижегород ёнксонь Болдинань буень Пикшень велесэ. Важодсь «Эрзянь коммуна» ды «Ленинэнь киява» газетатнесэ корректорокс ды литературань сотрудникекс. Ламо иеть ульнесь МВД-нь системасонть важодицякс. Литературань кинзэ ушодызе А. С. Пушкинэнь, Т. Г. Шевченконь, М. Ю. Лермонтовонь стихест эрзянь кельс ютавтомасто. Ламо шкинемачинзэ (произведениянзо) ютавтозь рузонь, узбекень, татаронь, чуважонь, мариень, удмуртонь ды молдаванонь кельтнес.
Ламонень теевсть содавиксэкс стихензэ пусмотнестэ: «Ялгань вал», «Пичень гайть», «Валдо ведьбайге», «Толбандянь сяткт». 1994 иестэ лиссь повестезэ И. А. Пожар-ской геройденть — «Васень теште». 2000 иестэ нолдазель поэтэнть «Сюкпря» книгазо эрзянь ды рузонь кельсэ.
Мельвановикс Павел Кириллович! Арсетяно теть Чачома чить марто шумбрачи, паро мельть-бажамот, улемс, кода нейгак, ялгакс Эрзянь Масторонь ломантненень!
| Паронь арсезь Калаганонь Керяз, Кшуманцянь Пиргуж, Коянонь Виряз, Нуянь Видяз, Аношонь Тумай. |
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |