Эрзянь Мастор/2003/03/Вейсэньдявксонь прявтнэнень
| ←Журнал "Сятко" от юбилея к юбилею (Нуянь Видяз) | Эрзянь Мастор, № 3 (154), 12 февраля 2003 редактор Нуянь Видяз, Кшуманцянь Пиргуж Вейсэньдявксонь прявтнэнень сёрмадызе Кшуманцянь Пиргуж |
О чём расскажешь, конверт?→ |
| Статья на сайте газеты: № 154, 12.02.2003, Вейсэньдявксонь прявтнэнень |
| Вейсэньдявксонь прявтнэнень |
Безаев М. И, “Ялгат” (Н-Новгород); Горбачёва М. В., НКЦ (Пенза); Дмитриев С. Д., “Эрзянь ойме” (Москов); Крымкин М. И., НКА (Ульяновск); Седойкин П. П., НКЦ (Чуважонь Мастор); Сульдин В. М., “Масторава” (Самара); Чатуров П. Ф., САФУН (Саратов)
Мельвановикс оят-ялгат! Содатадо, эрзянь, мокшонь ды лия раськетнень келест-культураст идемань тевсэнть весемеде покш, нардев нежекс кадови кулянь (информациянь) сравтнемась газетатнень, журналтнэнь, радионть ды телевидениянть вельде. Минек кедьсэ кирдеви кадык аволь покшке, ялатеке власть — “Эрзянь Мастор” газетась. Берянесь вейке — саемс лезэ сонзэ вельде а правттано. Сондензэ башка кулянь сравтнемань вейсэнь средстванок, ловодо, арасть. Ансяк сонзэ вельде ёвтневи кекшезь историядонок, кельденек, келейстэ ёвтазь, культурадонок. Ансяк сонзэ, “Валдо ойме” ды “Ялгат” газетатнень вельде кастови, карминдеряйть ламо ловныцят, эсь прянь эрзякс эли мокшокс марямось (самосознаниясь). Апарось теньсэ: тень эрявиксэкс кой-кить а ловить, кить газетатненень а келейгавтыть. Мордовиясо 2003 иестэ сёрмадстомась ютась седе вадрясто. Мезе а мерят томбалькстнэде. Седе парсте ловныть “ЭМ”-нть Самара ёнкссо. (Сульдин В. М.). Сыргоземе кармась, мезе кецневти, Пензась (Горбачёва М. В.). Берянть тевтне Ульяновск ёно (Крымкин М. И.). Тов молить ансяк... вете экземплярт! Пшкалинек зярыяксть, ансяк улавось сырк эзь тее. Учотано седе паро результат Эрзянь Масторонть ёндояк (Безаев М. И.). Ламот ловить вельмевтемакс киштематнень-морамотнень. Сыньгак эрявить. Ансяк свал кирдема превсэ: эсь кельсэнзэ ды эседензэ, эсь историядонзо а ловныця нациясь — а нация; газетавтомо, ТV-мо нациясь нациякс зярдояк а тееви. Чарькодинк тень, путодо вий, сёрмадстовтодо “Эрзянь Масторонть”!
Мусалёв Г. Д., А. П. Рябов лемсэ эрзянь келень идема Фондонь прявтось
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |