Шутьлялӧ лёк тӧв, путкыльтӧ мусӧ
Jump to navigation
Jump to search
| Шутьлялӧ лёк тӧв, путкыльтӧ мусӧ (1923) by |
| Гижан кад: 1923, Йӧзӧдан во: 1923. Ӧшмӧс: Выль туйӧд. Сыктывдінкар, 1923. |
Шутьлялӧ лёк тӧв, путкыльтӧ мусӧ.
Пӧрлӧдлӧ пуяс, вужъяснас нетшкӧ.
Пемдӧма Эжва. Гыяснас шувгӧ.
Скӧрмӧма чорыда, пыдӧсӧдз пуӧ.
Кыпӧдчӧ сьӧд кымӧр войвывсянь ыджыд,
Гымӧн да чардӧн миянлань локтӧ.
Вӧляысь матыстчис, гӧгӧртіс енэж,
Сайӧдіс шондісӧ, пемдӧдіс дзикӧдз.
Чардыштіс югыда, гораа...
Шутёвтіс вой тӧв, нӧбӧдіс ставсӧ.
Пу-мӧдӧ гымньӧв швачкӧбтіс-лыйис.
Вой тӧлыс отсаліс ӧзйыны пуӧ.
Эз повзьы некод гымысь ни чардысь,
Пемыд сьӧд кымӧрысь, шутьлялан тӧлысь.
Тӧдісны быдӧн, мый та бӧрти бара
Шондіа гажа лун вой бӧрын лоӧ.
|
This work is in the public domain in the United States but it may not be in other jurisdictions. See Copyright.
|