Колхозонь эряф/1933/09/Шумбра улеза "Правдась"
| ←Печатень шись | Колхозонь эряф (1933), 9 № Май ков edited by Шестов Н. С., Порватов Т. М. Шумбра улеза „Правдась“ |
Инголи тюремати од сатфкснень инкса!→ |
| Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 9 № Май ков 1933 киза. — с. 6 |
| Шумбра улеза „Правдась“ |
СССР са печатень шить празновамац эрь кизоня май ковть 5-це шистонза, сашендови сембе масторса большевиконь васень эрь шинь газетать, минь партияньконь центральнай органонц „Правдать“ лисема шинц мархта.
„Правдась“ лиссь Ленинграца нингя ся пинкть, мзяра пролетариятть революционнай люпштамац, сонь массовай тюремац 1912 кизоня оцюазоронь правительствать кяцта мярькфць максомда разрешения работамс пялес легальнайста и нолнемс революционнай рабочай газета, кона аф официальна, но тевса ульсь большевиконь ЦК ть центральнай органоц.
„Правдать“ пяк ламоксть конфисковандакшнезь, сьолгондозя правительствась; сонь редакторонзон и сотрудниконзон сьолгончнезь. Сон полафнезе эсь лемонц и аньцек тяфта ванфнезя эсь прянц пяк стака пинкста. Сонь героическай тюремац тя пролетариатть тюремац эсь панжада печатнай органонц инкса.
Минь мастороньконь рабочаенза массовай кочкаматнень мархта (400 лама) сембе пинкть лезцть „Правдати“. Аньцек тянь вельде теенза ульсь кода лисендемс. Сонь мархтонза ульсь меньшевиконь легальнай газета, но тона ярмакт получакшнесь мелкобуржуазнай элементнень эзда.
„Правдать“ идейнай руководствац ульсь Ленинонь кяца. Газетась кирць пяк оцю влияния рабочай крдатнень ланкса. Сембе масторонь войнада инголя, 1914 кизоня июль ковть 8 це шистонза сон ульсь прокс сьолкф 1917 кизонь революциять самс мзярда 1917 кизоня март ковть 5-це шистонза ушепць лисендема.
Кереньщинать пинкста „Правдать“ кода большевиконь орган, кона терьць пролетариатонь диктатурань сявома, станяжа ванцть мельганза и сьолгондозь. 1917 кизонь „июльскай шитнень“ сонь лангозонза йотафцть юнкерскай разгром: „Правдати“ станяяса сашондовсь полафнемс лемоц.
Ленин и Сталин активнайста работасть „Правдать“ редактированияса.
Аньцек Октябрьскай революцияда меле „Правдати“ ульсь кода сявомс иньгольдень лемоц. 1918 кизоня Ленинграцта ульсь йотафтф Москуву.
Партиять центральнай органонцты, якстерь печатть славнай знаменосенцты, партиять генеральнай китьксонц инкса тевса ванф и эрек тюриенцты мезеньге ланкс аф ванозь классовай врагть и сонь агентуранц — сембе мастень оппортунистнень лангу таргайснонды, арьсемань инь кеме властелинтти миллионнай рабочай и колхознай крдатнень мяльснон ареляйснонды, большевицкай печатень шиста — большевиконь пара вал
Шумбра улеза „Правдась“