Колхозонь эряф/1933/09/Инголи тюремати од сатфкснень инкса!
| ←Шумбра улеза „Правдась“ | Колхозонь эряф (1933), 9 № Май ков edited by Шестов Н. С., Порватов Т. М. Инголи тюремати од сатфкснень инкса! |
Вейхкса 9 кизот→ |
| Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 9 № Май ков 1933 киза. — с. 7 |
| 9 кизот „Мокшонь правдати“
|
| Инголи тюремати од сатфкснень инкса! |
„МОКШОНЬ ПРАВДА“ газетать 9 кизонь, эряма шинц топодеманц лемс ВКП(б) нь обкомсь арьси большевицкай паравал редакцияти, рабвелькорхненди, рабочайхненди, колхозникненди и сембе трудяйхненди газетать морафтыензонды.
“МОКШОНЬ ПРАВДА“ газетась 9 кизот лисендеманц пинкста йотафць оцю работа рабочай массатнень, колхозникнень и сембе трудяйхнень партиять перьф пуроптома тевса и сонь генеральнай китьксонц эряфс йотафнемаса. Газетась эсь эряманц сембе пинкстонза вяря кирдезя ЛЕНИНОНЬ знамянц, тонафнезень и пуропнезень трудяй крдатнень победань кирди социалистическай строительствать инкса тюремать перьф, колхознай стройть кемокстоманц инкса, минь партиянеконь и масторлангонь пролетариатть вожцнонь СТАЛИН ялгать лозунгонц пяшкодеманц инкса тюремати: — тиемс сембе колхозникнень — артельнай труженикнень затиточнайкс.
ГАЗЕТАТЬ ЭСА УЛИХТЬ И ЛАМА НЯЕВОМШКА АФСАТЫКСТА, ГАЗЕТАСЬ НИНГЕ АФ ПЕДА ПЕС ОДУКС ТИЕЗЕ ЭСЬ РАБОТАНЦ ОД ЗАДАЧАТНЕНЬ КОРЯС, НИНГЕ АФСАТЫШКАСТА КЕМОКСТАЗЕ СОТКСТЬ ТРУДЯЙХНЕНЬ МАРХТА, АФ МОЛЬФТИ ФЛАНКСОНЬ РАБОТА РАБВЕЛЬКОРХНЕНЬ МАРХТА, АШ НИНГЕ ЭРЯВИКС ОПЕРАТИВНОСТЬ И САТЫШКА ПОЛИТИЧЕСКАЙ ОРЖАШИ ЛАМА ЭРЯВИКС КИЗЕФКСОНЬ ЛАДЯМС.
Обкомсь кемоста надияй, што редакциянь работниконь коллективсь, марса рабвелькорхнень и морафтыень трудяй крдать мархта обкомть маластонь руководстванц ала машфцазь ингольпяли уликс афсатыкснень, станяжа кода тя пинкс „Мокшонь правда“ газетась кармай улеме вернай лездыкс обкомти и сембе парторганизацияти партиять генеральнай китьксонц инкса тюрема тевса, кармай ингольпялинге тюремань вятема 2 фронтова, види и „кержи“ ширень оппортунизмать каршес, кармай большевикокс тюрема ленинскай национальнай политикать эряфс йотафтоманц инкса, великодержавнай шовинизмать и вастонь национализмань шири мяньцематнень каршес, а станяжа партиять генеральнай китьксонц эзда уклоттнень мархта мирендайхнень каршес.
Обкомсь кемоста надияй, што „Мокшонь правдась“ ингольпяли нинге сяда оцю вийса кармай лифнеме лангу и аф ужальдезь тюрема классовой вракть мархта, нинге сяда пяк пуропцыне массатнень видемать сатфксонзон инкса, оцю урожайть инкса, сянкса, штоба тиемс сембе колхоснень большевистскайкс. Кемоста надьятама, што газетась ингольпялинге кармай улема инь цебярь агитаторкс, пропагандистокс и Марксонь—Ленинонь Сталинонь идеяснонды массатнень йоткс проводникокс.
Шумбра улеза большевицнай печаць — коллективнай пропогандисць, агитаторсь, рабочай колхознай и сембе трудяй крдатнень пурыптысна.
Шумбра улеза ВКП(б) ть Ленинскай ЦК-ц и сонь руководителец — стальной большевиксь СТАЛИН ялгась!
ВКП(б) нь ОБКОМСЬ