Улым ҡарай күҙҙәремә

← Иҫәнгилде

Улым ҡарай күҙҙәремә (Шиғыр) автор Лилиә Һаҡмар

Улыма →

Ижад итеү ваҡыты: 1992. Нәшер ителгән: 2006. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (102-се бит) ISBN 5-295-03798-3

Улым ҡарай күҙҙәремә

           Урал улыма
Улым ҡарай күҙҙәремә
Хәтерләргә тырышҡандай
Нисә быуат, нисә быуын
Ҡушылғандар тамсы ҡандар.
Таныйһыңмы мине, улым,
Мин – Зәйнулла ҡыҙы булам,
Шәрифулла, Лотфулланың,
Кәбир ҡарттың ҡаны булам.
Уралтау менән Һаҡмарҙың
Йәме, тәме һинең ҡанда,
Эй, Уралым, ҡулыңа алыр
Ҡылысҡайың әле ҡында.
Ырыуыңдың данын һаҡлар
Көрәш тыуы – күкрәгеңдә,
Һыуһылыуҙар, Алтынсәстәр
Һинең бары төштәреңдә.
Улым ҡарай күҙҙәремә:
Осҡонлана ике күҙе.
Күҙҙәремә улым түгел,
Текләй кеүек тарих үҙе!

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар