Трипперӧн висьысьяслы
| Трипперӧн висьысьяслы (1923) by |
| Гижан кад: 1923, Йӧзӧдан во: 1923. Ӧшмӧс: Висьӧмъяс йылысь. Сыктывдінкар: Коми нига лэдзанін, 1923. |
Трипперӧн висьысьяслы колӧ ёна лечитчыны, видзчысьӧмӧн овны. Он кӧ понды асьтӧ видзны, висьӧм нюжалас, выль сикас висьӧмъясӧн висьман. Нэм чӧж лоӧ мортлы мучитчыны. Висьысьлы колӧ видзчысьны уна да тэрыба ветлӧдлӧмысь, сьӧкыдтор лэпталӧмысь. Верзьӧмӧн да зуркыд телегаясын ветлӧдлӧмысь зэв омӧль. Яндзим мошня видзны кӧртӧдӧн; ньӧбны кӧртӧдсӧ аптекаысь, шусьӧ «суспензорий».
Трипперӧн висигӧн оз ков сёйны курыд да ёна сола сёян: лук, крен, кушман, переч, горчица.
Ёна видзчысьны винаысь, сурысь, сук тшайысь, копейысь, ныр чазӧдан юанъясысь (шипучие воды). Медбур сёянтор трипперӧн висигӧн йӧв да йӧла сёян.
Висьысьлы колӧ видзчысьны пузьӧмысь-скӧрмӧмысь, ызйӧдӧмысь. Колӧ дзикӧдз дугдыны овны нывбабакӧд.
Кырым колӧ видзны сӧстӧма, мыськӧмӧн, мед эськӧ орыс висян инысь оз вудж синмӧ. Веськалас кӧ синмад орыс, верман синтӧммыны.
Бурдӧдчыны колӧ пыр, кытчӧдз доктор оз шу дзикӧдз бурдӧмӧн. Триппер — вуджан висьӧм, висьӧдӧ уна во помся. Трипперӧн висьысь бабаяслӧн кага вайигас висьӧмыс вуджӧ кагаясыслы, медся ёна кутчысьӧ синмас. Сы вӧсна уна челядь синтӧммылӧны. Пузчужӧм кагалысь мыйӧн казялан син висьӧм, пыр жӧ колӧ петкӧдлыны докторлы.
|
This work is in the public domain in the United States but it may not be in other jurisdictions. See Copyright.
|