Татю (книга)/Татю/2 пелькс/3
| ←2 пелькс, II | Татю (1933) by , edited by Куторкин А. 2 пелькс, III |
2 пелькс, IV→ |
| Т. А. Раптанов. Татю. Повесть ды ёвтнемат. — Эрзямокшонь государственной издательствась, Саранск, 1933. — стр. 30—33 |
III
Карпа атя сась обиднясто. Кудос эзь соваяк. Сонзэ седейсэ цирейкс сэредсь валскень а парось. Истямо а паронть кирдемс стака. Ванта, урьвась нищтей. Кандсь штапо ланго, пельс вачень пеке. Велесэ ульнесь покордамонь пелькс Ломанькс эзизе ловнокшно кияк Ульнесь пейдема тарка. Те ланкс апак вано, кодамо Татю каштан. Самай те апарась, кодаяк а кельге Карпань потс. Сон яки кардазганть вешни истямо тувтал конань эйсэ маштовольсе Татюнь пулензэ.
— Вазтнэ парыть, прят—пильгть чаветь. Бульчук [ 31 ]апак симдя. Мень шайтан ортатне апак пекста? Сарастнэяк буто апак андо: навоз куця ланга сокарить.
Бути ве тувтолось ульнесь кежень пандумо, омбоцесь — савтнесь кежть.
Карпа атя кудос совамодо мейле, кармась уголдо уголсь пансеме Кулинань. — А ванат мельгаст Ули паронь весе кантлисэ. Сонсь ансяк дрехняволь бу!
Кода Карпань сыльть кежензэ, Кулина кашт молиль. А капшиль евтамо каршо вал. Сень кисэ, кода атясь ойме Кулина муськельсе пря кедензэ. Тона прок курка аште икелензэ.
— Мерьнень ведь теть иля пеце козонь а эряви — иля. Эзимик кунсоло. Кода сайдян пря чертнеде ды мастор вакс. Кулина ютась иетне латсо чеченанзо стявтынзе. Ноке клюкадеме Карпань. Атясь носкозь путызе обеднясто туивть просвирянть, ансяк снартсь теемс крест. Се шканть Кулина седеяк пижнесь. Нарвицька ладсо кепединьзе конязонзо вить кеденть, эзь мендяв омбоце лавтовонтень, уцордызе нинзэ мейгенерть. Кулина кунст ертовсь. Теде мейле максокс тапизе. Шабратне чийсть очобамонзо алдонзо эль лембестэ таргизь.
Истят бойтне Карпатянь семиясо сеедьксэмсть. Кулина скире Карпань мейсь саизе Татюнь. Мейсь юмавтызь нула потс Иванонь? Коли а мельсэ саевсь Татю, а мельсэ эритькак. Татю ававтонстэй кодаяк а савтсы. Тевенть тейсэ кода эряви, ававтось тейсэ одс ды покордасы.
Карпа сонсь содасы мейсь порсь камакшонзо. Кулось потмозонзо улконь апарось. Пиже чекерь велтизе потмонзо. Секень соды моткоди. Бутим кияк евты каршо вал, сень курок эжиль киськезэ. Кулинань кармась сеедстэ чавноманзо. Авась сонсь эзь сода мекс истя полавтовсь атянть обоцязо. Аванть нать уш истямо ульнесь долязо. Савсь кирьдемс весе, мезе печке пряванзо пингезэнзэ. Пеняцямс ульнесь акинень. Пеняцяка, мейле уш иля поява кудос чис, котьмерстэть кшнат лутыть.
Татюнь лангс седеяк стакасто неждясть иетне. [ 32 ]Шабрас лисемс шка арась. Шкаяк муевель — а лисят. Ламо сельведь правсь вальмало.
Татю лиссь кардазов. Панжизе ортанть. Орта чиреванть варштась ушонтень. Пиземеденть мейле кись кшнакс таргавсь порядканть кувалт. Тувонарось рипакадозь сорновтнесь росанть. Покш сэдь песэ нурьгамозь сюкунясь сыре калесь. Сон ламо иеть ютавты тоншанзо горянзо те покш кинть чиресэ. Сон апеняци кияк лангс. Куть мартонзо месть иляст тейне. Алкукскай апеняциця. Ютыця синьди тарадонзо, аштимадо лоштясы локшосо. Кие бутим цяподизе узерцэ боканзо. Яла теке эри. Эри истя, кода эрить церань коморс сювордавть бедной аватне. Эрить мик вал пелить евтамо эсист кисэ.
Кудо бокатнесэ — шочко лангс колмонь таркат пуромсть ават, церат. Эрьва кие капше евтнеме од кулят. Татю хлопадизе ортанть ды мольсь сайсь берема пеньгть. Кандумсто правсь полена. Карпа мольсь удалонзо. Сон кепедизе поленанть ды гуйкс вешкезевсь.
— Ансяк тонь мельга урядак. Косо мезе теят сэзэньс...
Зверень кортавтось прок пеель пезнась седеезэнзэ. Те эрьсесь эрьва чистэ, эрьва чассто ды эрьва минутсто. Секс Татюнь майшсь моцезэ коронь кирьдемс.
— Мейсь эйсэнь калгатад? Мень чумо тенк теинь? Тон самай яд марто зверят! Пандя! Мон эщо вишка пингстэ максынь вал, што тынянк, велень порийть, кежен пандсынь. Сонсь кундызе шачозо, кармась авардеме.
— Ах, сивезь сельме! Иля пшкадтькак чачк сезьдянзат. Варштака пильгало соркс а путтанзат! — Карпа чийсь Татюнь вакс, баксурдызе плетешкатнеде ды — мастор вакс.
Седе мейле ирьдекс ланга лоштизе празь поленасонть. Кудостонть, прок пропка, ертовсь Кулина. Нельгизе кедьстэнзэ пеньгенть.
— Карпа. корменецькем, иля тейне ломань пейдемат. Кунцоломак!
Те каподсь кавксосо кодавт кшнань локшо. Сехмадизе бабанть ды давай керямо Татюнь. Керась [ 33 ]эйсэнзэ семс, зярс мейс крученкань ашо панарось эзь артовт якстере верентень, мейле кучкордызе бокс.
— Мон невтьса теть, кодамо кежень пандомась Кендял. Чиненть пек ламо нолдыть юртонтень.
Карпа сорнозь совась кудов. Иван мольсь кундызе прячерьде ды олоком ускизе кудов.
— Адя ведьма!
Татю мекев ланк варштась мирдензэ лангс. Пурнась вий ды стясь пильгензэ лангс. Сон кежтне пачк мезе ульсь виезэ сускизе Иванонь кеденть. Тона паразевсь ды нолдызе Татюнь.
Теде мейле Татю таго оргодсь. Костояк а марьсеви кулязо.
Карпа атя артниньзе весе содавикс ломанензэ. Арась. Прок ведьс ваясь. Ансяк недлянь ютазь евтызь, што урьваст кекшне вирь удалга — розь потмова.
Ванстызе бесэнь атясь. Кода понгсь кедь коморозонзо эзь машт месть тейнемс мартонзо. Сон сюлмизе ажия бокас. Весть риштясы алашанть, кавксть Татюнь. Истя кудов самс муцясь аванть эйсэ.
— Мон невтса кода кежть пантлемс. Татю эль усксь мельганзо пильгензэ. Кудряв прячерензэ тусто нупонекс ацавсть тапавт шачонзо ланга. Раужо, налксиця сельмензэ ваясть сэнь латко потмаксос. Чуросто тарксесь оймензэ.
— Весе тень квитяса.
— Сускик келеть! — Рангстась Карпа ды „цех!“ цярадьсь кшнань локшосонть Татю пурдавсь, но вайгель эзь нолда. Сон сельгензэ марто нилизе те обиданть.