Сәскә

Сәскә (шиғыр) автор Author:Сабир Кинйәкәй

Ижад итеү ваҡыты: 1943. Нәшер ителгән: 1960. Сығанаҡ: "Йыр сафта ҡала" Башҡорт АССР-ы Культура министерствоһының Башҡортостан китап издательствоһы, Өфө, 1960 йыл,184 бит

Сәскә

(иптәш ҡыҙ иҫтәлегенә)

Сәскә өҙҙөм иҫтәлеккә,
Төҫө итеп бергә йөрөүҙең.
Ҡаҙаманым,ләкин түшкә,
Йөрәгемдә сөнки һин үҙең.

Сәскә һулыр иртәгә үк,
Йәмһеҙләнеү инер төҫөнә.
Һин йәшәрһең йәнем кеүек,
Ҡыҫҡан ҡулы үпкән битеңдә.

1943 йыл

---