Сыйырсыҡ

From Wikisource
Jump to navigation Jump to search

Сыйырсыҡ (шиғыр)
автор Лилиә Һаҡмар
Ижад итеү ваҡыты: 1980 йыл. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (27-се бит) ISBN 5-295-03798-3


СЫЙЫРСЫҠ


Һин бер генә ҡараш бүләк иттең…
Ни бар ине ошо ҡарашта?
Серҙәр донъяһына сумғанымды
Аңланым мин бары аҙаҡтан.

Бер ҡасан да былай шашып-ярһып,
Күңелемдә шатлыҡ ташманы,
Нисә тапҡыр, күпме утлы ҡараш
Йөрәгемдә урын тапманы.

Ә һинеке – күңелем урманына
Осоп керҙе – яҙғы сыйырсыҡ,
Ә йөрәгем – үҙем ҡорған оя,
Бары бер сыйырсыҡ һыйырлыҡ.

Сыйырсығым, бөгөн йөрәгемә
Килеп керҙең, тимәк, яҙ килә!
Күңелемдә ҡар ҙа ирер әле
Яҙ елдәре иҫһә әҙ генә?!

Тик бер генә ҡараш бүләк итте
Йондоҙ диңгеҙенән бер мәрйен…
Бер сыйырсыҡ яҙ килтермәй, тиҙәр,
Ә яҙ килеп ҡуйһа нишләрмен?!



Иҫкәрмәләр


CC SomeRightsReserved.png
Cc-by white.svgCc-sa white.svg


Heckert GNU white.svg
Vous avez la permission de copier, distribuer et/ou modifier ce document selon les termes de la Licence de documentation libre GNU, version 1.2 ou plus récente publiée par la [Free Software Foundation ; sans sections inaltérables, sans texte de première page de couverture et sans texte de dernière page de couverture.