Йылдар ята арабыҙҙа

← Сыйырсыҡ

Йылдар ята арабыҙҙа (шиғыр) автор Лилиә Һаҡмар

Кис етә →

Ижад итеү ваҡыты: 10.04.1983. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (27-се бит) ISBN 5-295-03798-3

ЙЫЛДАР ЯТА АРАБЫҘҘА

һөйөү ҡарамай ул йәшкә, тиеп,
Әллә йыуатырға теләнең,
Белмәй инең, нисек ошо һүҙҙәр
Йөрәгемде минең телгәнен.
Аңламаның, берҙән-берем минең,
Күҙҙәремдең йәшкә тулғанын,
Аҡ ҡайындың ниңә моңһоу ғына
Ҡарт имәнгә ҡарап торғанын.
Йылдар ята беҙҙең арабыҙҙа.
Ниңә тыуҙың, йәнем, иртәрәк,
Йәш араһы һөйөү өсөн юҡ, тип,
Елдәр йыуатырға итәләр,
Тик йөрәккә инмәй, талғын ғына,
Баш осонан иҫеп үтәләр.

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар
• Шиғырҙың икенсе исеме - "Һөйөү ҡарамай ул йәшкә"