Колхозонь эряф/1936/01/Сталин Ленинонь колга

From Wikisource
Jump to navigation Jump to search
Колхозонь эряф (1936), № 1 (31) Январь-Февраль ков edited by Купряшкин Т., Бебан М. А.
Сталин Ленинонь колга by
авторсь: Сталин, Иосиф Виссарионович, мокшекс ётафтозе: Аф содаф (аноним)
Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди вейхксоце кизось, кафта ковти весть. — № 1 (31) Январь-Февраль ков, 1936 киза. — с. (1)3—8
Рузонь кяльса: О Ленине: Речь на вечере кремлевских курсантов 28 января 1924 г.
 
[1]
Колхозонь эряф 1936-01 005стр изобр1.jpg
 
В.   И.   ЛЕНИН.
 
[3]
Сталин  Ленинонь  колга
Сталин ялгать валоц кремлевскай курсанттнень вечерсост 1924 кизонь январть 28-шистонза.
 

Ялгат! Теень азозь, што тинь тяса тиф Ленинонь колга лятфнемань вечер, а мон терьдьфан вечерти докладчикокс. Мон арьсян, што аш необходимость тиемс связнай доклад Ленин деятельностенц квалма. Мон арьсян, што улель сяда цебярь лоткамс факттнень лангс, конат няфнесазь Ленинонь кошкодама особенностензон кода ломанень и кода деятелень. Ня факттнень йоткса, можбыть и аф ули потмонь соткс, но тя аф кармай кирьдемя решающай значения сянь инкса, штоба получандамс Леннинонь квалма общай представления. Кода тяза уль, монь аш возможностезе тя случайса максомс теентть сяда лама, мезь нядьяфнень сяда вяря.

Горнай орел

Ленин мархта мон ушедонь содама 1903 кизоня. Видя, тя содамась ульсь аф шамада-шамас, а заочнай, перепискань вельде, но сон кадсь монь эсон афнардави впечатления, кона ашемань кадонда монь партияса работазень сембе пингстонза. Мон эста улень Сибирьса ссылкаса. Вейхксагемоньце кизотьнень песта Ленинонь революционнай деятельностенц мархта знакомствась и сембеда пяк 1901 кизода меле, „Искрать“ изданияда меле, вятемань монь ся мяльти, што Ленинонь эса минь няйхтяма ломань аф обыкновеннай. Сон ашезь уль эста монь сельминголен партиять простой руководителькс, сон ульсь сонь фактическай пуроптыкс, ибо сон ськамонза шарьхкодезень минь партиянеконь потмаширень сущностенц и неотложнай нужданзон. Мзярда мон сравнивал сонь минь партиянеконь иляды руководителензон мархта, теень эрь пингоня няевсь, што Ленинонь соратниконза — Плеханов, Мартов, Аксельрод и и илятьне — ащихть Ленинонь ваксса целай пряда сяда алняняста, што Ленин синь мархтост равняндамок аф проста фкя руководитель синь йоткстост, а высшай типонь руководитель, горнай орел, кона аф содай пелема тюремаса и смелста вяти партиять инголи русскай революционнай движениять тя пингс апак содак кинзон эзга. Тя впечатлениясь станя крхкаста озась монь седи-потмозон, што мон марянь необходимостть сермадомс сонь квалмованза эсь фкя седиваксстонь ялгазти, кона ульсь ся пингть эмиграцияса и вешень сонь пялдонза отзыв. Аф лама пингонь йотазь, мзярда улень ни ссылкаса Сибирьса, — тя ульсь 1903 кизоть пестонза, мон получандань эсь ялгазень эзда восторженнай ответ и Ленинонь простой, но крхка содержаниянь серманц, конань, кода лиссь, познакомил ялгазе монь сермазень мархта.
Ленинонь серманяц ульсь сравнительна аф оцю, но сон макссесь минь партиянеконь практиканцты смелай, бестрашнай критика и партиять сай маластонь пингонцты работань сембе планонцты замечательна валда и сжатай изложения.
Аньцек Ленин маштсь тяштемя инь шоряф вещатьнень квалмова станя прастойста и валдста, сжатайста и смелста — мзярда эрь фразац аф корхтай, а ляценди. Тя простой и смелай серманясь нинге сядонга пяк кемокстамань монь сянь квалмова, што Ленинонь эса минь няйхтяма партиянеконь горнай орелонц. [4]Аф прастиндаса эсь прязень сянкса, мес Ленинонь тя серманц, кода и иля лама серматьнень, сире подпольщиконь привычкань коряс, мон плхтайня.

Тя пингть эзда сявомок ушедсь монь знакомствазя Ленинонь мархта.

Скромностьсь.

Васеньцеда мон васедень Ленинонь мархта Таммерфорсса (Финляндияса) большевикнень конференциясост 1905 кизоня декабрьста. Мон надьесень няемс минь партияньконь горнай орелонц, великай ломантть, великайть аф аньцек политически, но, кда угодна, и физически, ибо монь воображениясон Ленин няеньдевсь великанкс, статнайкс и представительнайкс. Кодама же ульсь монь разочерованиязе, мзярда мон няень самай обыкновеннай ломань, средняй середа алняня, кона мезьсонга, буквальна мезьсонга изь отличандакшне обыкновеннай смертнайхнень эзда...

Прьняндаф, што „великай ломанць“ обычна должен познандазь сашендомс пуромксу, сянь инкса, штоба пуромксонь членттне ваймонь апак таргсек учелезь сонь явондаманц, причем великай ломантть самда инголя пуромксонь члеттне азондыхть латта: „тс... саворня... сон сай“. Тя обрядностьсь няевсь теень аф лишнайкс, ибо сон импонирует, внушает уважения. Кодама же ульсь монь разочерованиязе, мзярда мон содайне, што Ленин сась пуромксу делегаттнень коряс сяда инголи и, кать коса ужети пштидьфста, прастойняста вяти беседа конференциянь самай обыкновеннай делегатнень мархта. Аф сьопса, што тя няевсь эста теень кой кодама инь эрявикс правилатьнень кой-кодама нарушениякс.

Аньцек мекпяли мон шарьхкодиня, што Ленинонь тя простой и скромнай шиц, тя стремлениясь илядомс афняевикс или, во всяком случае, аф повомс сельмос и аф няфнемс эсь оцю положениянц, — тя чертась арси Ленинонь инь вию ширекс, кода од массатьнень од вождьснон, человечествать инь крхка „алува ащи“ простой и обыкновеннай массанзон од вождьснон.

Логикать виец

Замечателнайхть ульсть тя конференцияса азф Ленинонь кафта реченза: текущай моментть и аграрнай кизефксть колга. Синь, кода аф ужяль, ашесть ванфтов. Нят ульсть вдохновеннай речт, конат вятезь бурнай восторгс сембе конференциять. Убеждениянь пяк оцю вийсь, доказательствань простотась и ясностьсь, нюрьхкяня и сембеньди шарьхкодеви валхне, рисофкафтома корхтамась, впечатлениять ланга эрьхни прянь-шаракафты жестонь и эффектнай валонь аф азончнемась, — сембе нят выгоднайста явфнезь Ленинонь речензон обычнай „парламентскай“ ораторхнень речьснон эзда.

Но монь эста таргсемань эсь ширезонза Ленинонь речензон аф тя ширесна. Монь таргсемань эсь ширезонза Ленинонь речьсонза логиканц ся аф азомшка виец, кона афламда коськста, но сянкса основательнайста сявоньди эсь ширезонза аудиториять, валомня электризует сонь и сальдя сявсы сонь пленц, кода корхнихть, педа-пес. Мон мяляфтса, кода корхтасть эста лама делегатт: „Ленинонь речензон эса логикась — тя кати-кодама всесильнай щупальцат, конат фатьнетядязь тонь сембе пяльде клещаса и синь об‘ятияснон эзда мянемс аш вийце: либо макст пря, либо арьсек эсь пряцень полнай провалс“,

Мон арьсян, што тя особенностьсь Ленинонь речьсонза арси сонь ораторскай исскустванц эса инь вию ширекс.

Хныконьяфтома

Омбоцеда васьфтиня мон Ленинонь 1906 кизоня минь партиянеконь Стокгольмскай с“ездсонза. Содаф, што тя с“ездса большевикне илядсть сяда кржанест, кирьдьсть поражения.

Мон васеньцеда няиня эста Ленинонь сяськфонь рольса. Сон конашкадонга ашезь шар ся вождтьнень шири, конат хныкают и новлясазь нярьснон сяськомдост меле. Меклангт, поражениясь шарфтозе Ленинонь энергиянь сгустококс, касфнезень эсь ширень кирьдиензон [5]мяльснон д тюрематьненьди, ингольпяльдень сяськомати. Мон корхтан Ленинонь поражениянц квалмова. Но кодама тя ульсь поражениясь? Эрявсь варжакстомс Ленинонь противниконзон, Стокгольмскай с‘ездса победительхнень лангс — Плехановть, Аксельродть, Мартовть и илятьнень: синь пяк афламда шарсть действительнай сяськихнень ланс, ибо меньшевизмать эсь беспощаднай критикасонза Ленин ашезь кад синь лангозост, кода корхневи, живой вастовок. Мон мяляфтса, кода минь, делегаттне—большевикне, марс пуромфста, ваномя Ленинонь лангс и кизефнемя сонь кядьстонза совет. Кой-кона делегатнень корхтамаста яфодсь сизема, нярень нолдама. Мяляфтови, кода Ленин тяфтама корхтаматьнень каршес едкайста педязе пеень пачк: „Тяда хныконда, ялгат, минь наверняка сяськтяма, ибо минь видесь“. Хныкающай интеллигенттненьди ненавистьсь, эсь вийхнень лангс надьямась, сяськомать лангс надьямась — вага мезень квалмова эста корхтась минь мархтонок Ленин. Марявсь, што большевикнень поражениясна арси временнайкс, што большевикне должетт сяськомс маластонь сай пингть эзда.

„Аф хныкондамс поражениянь случайста“ — тя самай ся особенностьсь Ленинонь деятельностьса, кона лезнесь теенза пуропнемс эсь перьфканза педа-пес преданнай и эсь виензон лангс надьяй армиять.

Кичливостьфтемя

Сянь мельгя моли с“ездса, 1907 кизоня Лондонца, большевикне листть сяськикс.

Мон васенцеда няиня эста Ленинонь сяськиень рольса. Обычна сяськомась шаракафни иля вождьтнень пряснон, тиеньцыня синь заносчивайкс и кичливайкс. Сидеста тяфтама случайхнень пингста ушедчнихть торжествовандама сяськомать, ащекшнемя лавратьнень лангса. Но Ленин конашкадонга ашезь шара стама вождьтнень шири Меклангт, именна сяськомда меле арсесь сон особенна бдительнайкс и настороженнайкс. Мяляфтови, кода Ленин настойчивайста корхтась эста делегатненьди; „Васенце тевсь — аф увлекандакшнемс сяськомать мархта и аф кичиндамс; омбоце тевсь — кемокстамс эсь мельгат сяськомать, колмоцесь — шавомс противникть, ибо сон аньце пиксф, но пес—пегля ниньге апак шафт“. Сон едкайста рахсезень ся делегаттнень, конат легкомысленна корхнесть, што “тячиень шиста сявомок меньшевикнень мархта сембе аделаф“. Теенза аф стака ульсь шарьхкодьфтемс, што меньшевикне ниньге сембе кирьдихть юрхт рабочай движенияса, што синь мархтост эряви тюремс маштозь, сембе лаца кадондомс эсь вийхнень вельф шнамаснон и особенна противникть виензон питьнеснон афлувоманц.

„Аф кичиндамс сяськомать мархта“, — тя самай ся особенность Ленинонь характерса, кона лезнесь теенза трезвайста ункснемс противникть виензон и страховандамс партиять возможнай неожиданосттнень эзда.

Принципиальностьсь

Партиянь вождьтненьди аш кода аф лувондомс эсь партиянь большинствать мяленц мархта. Большинствась-тя оцю вий, конанц мархта вождьти аш кода аф лувондомс. Ленин тянь содазе аф сяда кальдявста, чем партиянь всякай иля руководительсь. Но Ленин мзярдонга ашезь арсе большинствать пленникокс, особенна, мзярда тя большинствась ашезь кирьде эсь алонза принципиальнай основа. Ульсть моментт минь партиянекень историясонза, мзярда большинствать мненияц или партиять минутнай интересонза арсесть конфликтс пролетариатть коренной интересонзон мархта.

Тяфтама случайса Ленин, апак арьсекшнек, решительнайста йотнесь принципиальностть шири партиять большинстванц каршес. Сяда пяк, — сон ашезь пеленьдя лисеньдемда тяфтама случайса буквальна ськамонза сембень каршес, сянь лангс надьямок, — кода сон сидеста корхнесь тянь квалмова, — што принципиальнай политикась — единственна правильнай политика.

Сембеда пяк характернайхть тянь няфтеманкса ня кафта факттне.

[6]ВАСЕНЬЦЕ ФАКТСЬ 1909-1911 кизотьнень пингсна, мзярда партиясь, кона ульсь срафтф-калафтф контрреволюциять мархта, кирьнесь полнай разложения. Тя ульсь партияти афверондама пингя, стама пингя, мзярда партияста повальна ворьгочьнесть аф аньцек интеллигенттне, но отчасти и рабочайхневок, подпольянь отрицаниянь пингя, ликвидаторствань и срадомань-каладомань пиньгя. Аф аньцек меньшевикне, но и большевикневок эста представляли целай ряд фракцият и теченият, конатьнень оцюшкасна сязьфтедьхть рабочай движениянь эзда. Содаф, што именна тя пингста шачсь подпольять прокс машфтомань и рабочайхнень легальнай, либеральнай столыпинскай партияв пуроптомань идеясь. Ленин ульсь эста единственнайкс, кона ашезе макса прянц общай поветрияти и вяря кирьдезе партийностень знамять, кона удивительнай терпенияса и апак няентть упорстваса пуропнесь партиять фкя-фкаста явф и тапаф виензон, тюрьсь рабочай движениять эса сембе и всякай антипартийнай течениятьнень каршес, апак няеньтть мужестваса и апак няеньтть настойчивостьса аралась партийностть.

Содаф, што партийностть инкса тя спорямаса Ленин лиссь сяльдя сяськикс.

ОМБОЦЕ ФАКТСЬ 1914-1917 кизонь пинксь, империалстическай войнань разгаронь пинксь, мзярда сембе, или пцтай сембе социал-демократическай и социалистческай партиятьне макстть пряснон общай патриотическай цятнати*)[1] и кармасть служама отечественнай империализмати. Тя ульсь пингя, мзярда II-це интернационалсь комафтозень эсь знаменанзон капиталть инголи, мзярда шовинистическай волнать каршеса ашесть кирьдя нлта тяфтама ломаттне, кода Плеханов, Каутский, Гэд и илятьне. Ленин ульсь эста ськамонза или пцтай ськамонза, кона кеподьсь решительнай тюрема социал-шовинизмать и социал-пацифизмать каршес, разоблачал Гэдтнень и Каутскайхнень изменаснон и клеймил межеумочнай „революционерхнень“ половинчатостьснон. Ленин содцезе, што сонь мельганза моли незначительнай меньшинства, но тя соньдеенза ашезь кирьдя решающай значения, ибо сон содазе, што единственно виде политикакс, конань эсь мельганза ули будущностец, арси последовательнай интернационализмань политикась, ибо сон содазе, што принципиальнай политикась — единственна правильнай политика.

Содаф, што од интернационалть инкса тя спорямаса Ленин лиссь сяськикс.

„Принципиальнай политикась — единственна правильнай политика“, — тя самай ся формулась, конань лезксонц вельде Ленин сявоньдезень приступом од неприступнай позициятьнень, таргсезень революционнай марксизмать шири пролетариатть инь цебярь элементонзон.

Массатьненьди верондамась

Партиятьнень теоретиксна и вождьсна, конат содасазь народтнень историяснон, сембе ширьде проштудировали революциятнень историяснон ушедкстост сявомок пезост молемс, кой-мзярда сярядьчнихть аф приличнай урмаса. Тя урмати мярьгоньдихть массатьнень эзда пелемась, массатьнень творческай способностьснонды афверондамась. Тя почвать лангса шаченды кой-мзярда вождень аристократизма массатьненьди отношенияса, конат аф содайхть революциянь историятьнень, но терьдьфт сиреть синеме и одть тиеме. Пелемась, што стихиясь может разбушеваться, што массатьне могут „синеме лама лишнайда“, мамкань ролень налхкомань мяльсь, кона старандай тонафнемс массатьнень книжкатьнень коряс, но кона аф йорай тонафнемс массатьнень эзда, — тяфтама основац тянь шири шары аристократизмать.

Ленин улёнць полнай противоположностекс тяфтама вождьтненьди. Мон аф содан иля революционер, кона тяфта крхкаста верондаль ба пролетариатть творческай виенцты и сонь классовай инстинктонь революционнай целесообразностенцты, кода Ленин. Мон аф содан иля революционер, кона маштоль ба тяфта апак ужяльдьт пиксомс „революциянь хаость и массатьнень самоличнай действиянь вакханалияснон“ [7]самодовольнай критикнень, кода Ленин. Мяляфтови, кода фкя беседань пингста, ялгатьнень йоткста фкять замечаниянц каршес, што „революцияда меле должен тиевомс нормальнай порядок“, Ленин саркастическайста мярьгсь: „Беда, кда ломаттне, конат йорайхть улемс революционеркс, юкснесазь, што историяса инь нормальнай порядкакс арси революциять порядкац“.

Тяста Ленинонь пренебрежительнай отношенияц сембе сятненьди, конат старандасть вярьде ванондомс массатьнень лангс и тонафнемс синь книжкатьнень коряс. Тяста Ленинонь неустаннай проповедец: тонафнемс массатьнень эзда, шарьхкодемс синь действияснон, лацкас тонафнемс массатьнень тюремань практическай опытснон.

Массатнень творческай вийснонды верондамась — тя самай ся особенностьсь Ленинонь деятельностьса, кона макссесь тенеза возможность — шарьхкодемс стихиять и ладьцемс сонь шудеманц пролетарскай революциянь руслати.

Революциять гениец

Ленин ульсь шачф революцияньди. Сон афкукс ульсь революционнай взрывнень генийкс и революцийоннай руководствань величайшай мастеркс. Мзярдонга сон ашезе марьсе эсь прянц тяфта свободнайста и кенярьдьфста, кода революционнай потрясениятьнень пингста. Тянь мархта мон йофси аф йораса азомс, што Ленин фкя лаца шнакшнезе эрь революционнай потресениять или што сон эрь мезьне и эрь кодама условиянь пингста ашесь революционнай взрывхнень инкса. Йофси аф. Тянь мархта мон йоран аньцек азомс, што мзярдонга Ленинонь гениальнай ичкози няемац ашезь лисеньдя тяфта полнайста и отчетливайста, кода революционнай взрывхнень пингста. Революционнай перевороттнень шиня сон буквальна паньженць, арсесь валдста няикс, содцезе класснень движенияснон и революциять вероятнай кичкор-мувор мяньцевоманзон (зигзагонзон), няеньдезень синь бта кядьлапш лангса. Афстак корхневи минь партийнай кругованок, што „Ильич машты уеньдемя революциянь волнатьнень эса, кода калсь ведьса“.

Тяса Ленинонь тактическай лозунгонзон „поразительнай“ валда шисна и революционнай замысланзон „прянь шаракафты“ смел шисна.

Лятфневихть кафта пяк характернай фактт, конат няфнесазь Ленинонь тя особенностенц.

ВАСЕНЬЦЕ ФАКТСЬ октябрьскай переворотта ингольдень пингсь, мзярда миллионтт рабочайхть, крестьятт и солдатт, конат айневсть тылса и фронца кризистть мархта, анасть мир и свобода, мзярда генералитетсь и буржуазиясь аноклакшнесть военнай диктатура „войнать педа-пес аделама“ интересонзон инкса, мзярда сембе станя лемневи „общественнай мнениясь“, сембе станя лемневи „социалистическай партиятьне“, ащесть большевикнень каршеса, третировазь синь „немецкай шпионкс“, мзярда Керенский йорсесь айдямс подпольяв — и отчасти кенерькшнесь ни айдямс — большевиконь партиять, мзярда австро-германскай коалициянь вию дисциплинарнай армиятне сембе ниньге ащесть минь сизеф и срады-калады армиянеконь каршеса, а западно-европейскай „социалисттне“ благополучнайста эрясть эсь правительстваснон мархта союзса „войнать педа-пес аделаманц“ интересонзон инкса...

Мезь тись тяфтама моменцта восстаниять кеподемац? Кеподемс восстаниять тяфтама обстановкаса — тя значит путомс сембень картать лангс. Но Ленин ашезь пель рискнуть, ибо сон содазе, няезе эсь валдста няи сельмванфонц мархта, што востаниясь неизбежнай, што восстаниясь сяськи, што Россияса восстаниясь анокласы империалистическай войнать аделаманц, што Россияса восстаниясь кеподьсыня Западонь сизефтьф массатьнень, што Россияса восстаниясь шарфтсы империалистическай войнать гражданскай войнакс, што востаниясь максы советонь Республика, што советонь Республикась арай сембе мирть лангса революционнай движениять оплотокс.

Содаф, што Ленинонь революционнай тя арьсемац йотась эряфс мекпяли апак няеньтть точность мархта.

ОМБОЦЕ ФАКТСЬ Октябрьскай революцияда меле васеньце шитьне, мзярда народнай Комиссаронь Советсь [8]йорась кошардомс мятежнай генералть, главнокомандующайть Духонинтть, лоткафтомс военнай действиятьнень и ушедомс немецнень мархта корхтамать перемириять квалва. Мяляфтови, кода Ленин, Крыленко (будущай главнокомадующайсь) и мон тумя Главнай штабу Питеру проводть вельде Духонин мархта корхтама. Минутась ульсь жуткай. Духонин и Ставкась категорически атказасть Совнаркомть приказонц йотафтомда. Армиянь команднай составсь марнек ащесь Ставкать кядь ала. Мезь касается солдаттненьди, то ульсь апак содак, мезь азы 12 миллионнай армиясь, кона ащесь советскай властть каршес настроеннай стак лемневи армейскай организациятьнень подчиненияса. Питерса, кода содаф кенерькшнесь эста юнкерхнень восстаниясна. Тяда башка, Керенский мольсь Питерть лангс войнаса. Мяляфтови, кода проводть ваксса афламос апак каштордт-ащемдя меле Ленинонь шамац валдомсь кать-кодама аф обычнай валдса. Ульсь няевикс, што сон прьняндась ни решения.

„Аряда радиостанцияв, — мярьгсь Ленин, — сон теенек тии польза: минь валхтсаськ специальнай приказса Духонин генералть, арафцаськ сонь вастозонза главнокомандующайкс Крыленко ялгать и шарфттама команднай составть прянц вельф солдаттненьди серьгядема мархта — кружамс генералхнень, лоткафтомс военнай действиятьнень, тиемс соткс австро-германскай солдаттнень мархта и сявомс миронь тевть эсь кядезнок“.

Тя ульсь „комотема аф содаф вастс“. Но Ленин ашезь пель тя „комотемать“ эзда, меклангт, сон мольсь сонь каршезонза ибо сон содазе, што армиясь учи мир, и сон завоюет мирть, тяйсыня мирти молема кить лангста сембе и фсякай лаца шорьсефкснень, ибо сон содазе, што миронь тиемань тяфтама способсь аф йотай стак австрогерманскай солдаттненьди, што сон касфтсы мирть инкса мяльть исключенияфтома сембе фронттень эса.

Содаф, што Ленинонь тя революционнай инголи няемац тяфта жа йотась эряфти мекпяли сембе точьностьсонза.

Гениальнай прозорливостьсь, маштомась курок фатьнемс и содцемс маладчни событиятьнень потма ширень смысласнон — тя Ленинонь самай ся свойствац, кона лезнесь теенза тиеньдемс правильнай стратегия и вятемань валда линия революционнай движениянь повороттнень эса.

„Правда“ 34 це №-сь 1924 к. февралень 12 ши.


  1. *цятна — угар.
 

 
This is a translation and has a separate copyright status from the original text. The license for the translation applies to this edition only.
Original:
Info icon 001.svg#licence info


Flag of the United States.svg Public domain
This work is in the public domain in the United States because it was first published outside the United States prior to January 1, 1925. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1949 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1925 works copyrighted at home.


Данная работа, впервые изданная до 1925 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1953 году, и был участником Великой Отечественной войны, соответственно эта работа выйдет в России в общественное достояние в 2028 году.

The author died in 1953, so this work is also in the public domain in countries and areas (outside Russia) where the copyright term is the author's life plus 60 years or less.

PD-US-1923-abroad Public domain in the United States but not in its source countries //wikisource.org/wiki/%D0%9A%D0%BE%D0%BB%D1%85%D0%BE%D0%B7%D0%BE%D0%BD%D1%8C_%D1%8D%D1%80%D1%8F%D1%84/1936/01/%D0%A1%D1%82%D0%B0%D0%BB%D0%B8%D0%BD_%D0%9B%D0%B5%D0%BD%D0%B8%D0%BD%D0%BE%D0%BD%D1%8C_%D0%BA%D0%BE%D0%BB%D0%B3%D0%B0

Translation:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • it was anonymously published before January 1, 1950 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • it was anonymously published before January 1, 1946 (more than 50 years ago from 1/1/1996).

This anonymous or pseudonymous work is also in the public domain in other countries and areas where the copyright term of anonymous or pseudonymous works is 83 years or less since publication.

Flag of Russia.svg